شاندێ هه‌رێمێ ل گه‌ل سه‌رۆك وه‌زيرێن عيراقێ كۆمبوو
ئه‌ڤرۆ نيوز:
نێچيرڤان بارزانى، سه‌رۆكێ حوكمه‌تا هه‌رێما كوردستانێ ب سه‌رپه‌رشتيا شانده‌كى گه‌هشته به‌غدا و ل گه‌ل حه‌يده‌ر عه‌بادى سه‌رۆك كۆمارێ وى وه‌لاتى كۆمبوو.
ته‌وه‌رێ سه‌ره‌كى يێ كۆمبوونێ، دێ پرسا هنارتنا 550 هزار به‌رميلێن په‌ترۆلێ بيت ل هه‌رێما كوردستانێ و كه‌ركووكێ بۆ به‌نده‌را جيهان يا توركى كو داهاتێ وێ بچيته سه‌ر داهاتێ حوكمه‌تا به‌غدا، به‌رامبه‌ر وێ چه‌ندێ حوكمه‌تا عيراقێ دێ 17% ژ به‌هرا هه‌رێما كوردستانێ يا بودجێ گشتيێ عيراقێ ره‌وانه كه‌ت.
ئه‌ڤ رێكه‌فتنه ب گۆره‌يى بڕيارا جڤاتا نوونه‌رێن عيراقێ ل 2014.12.2 هاتيه كرن و پێدڤى ژ ده‌سپێكا ئه‌ڤ ساله هاتبا بجهئينان، به‌لێ به‌غدا هه‌تا نوكه بودجێ هه‌رێما كوردستانێ نه‌هنارتيه.
نێچيرڤان بارزانى، دێ وێ سه‌ره‌دانێ دا، دێ پێشنياز كه‌ت كو هه‌ر سێ هه‌يڤان جاره‌كێ ته‌ماشه‌يى ئه‌و رێژا په‌ترۆلا هاتيه هنارتن بهێته كرن، نه‌كو رۆژانه، چونكو ئه‌ڤه تشته‌كێ كرداريى نينه.
