شاندەکێ هەرێما كوردستانێ دێ سەرەدانا كوێتێ کەت
ئەڤرۆ نیوز ، زنار :
بریارە ل حەفتیا بهێت شاندەکێ هەرێما كوردستانێ کو ژ پارێزگەران و حوکمەتێ پێكهاتینە سەرەدانا كوێتێ بكەن و بۆ ماوێ سێ رۆژان بمیننە ل وی وەلاتی،ب مەبەستا پشکداریکرن د كۆنفرانسێ ئاڤەدانكرنا عێراقێ دا.
هەمزە حامد رێڤەبەرێ راگەهاندنا پارێزگەها هەولێرێ راگەهاندیە، داخوازنامەکا فەرمی ژلایێ حوکمەتا كوێتێ گەیشتیە مە و بریارە شاندەکێ هەرێما كوردستانێ،کو پێكهاتیە ژ هەرسێ پارێزگەران و وەزیرێ پلاندانانێ و وەزیرێ ئاڤەدانكرنێ سەرەدانا كوێتێ بكەن.
رێڤەبەرێ راگەهاندنا هەولێرێ گوت ژی،ئەو شاندە ژ 12 شواتێ تاكو 14 دێ مینیتە ل كوێتێ و دێ پشکداریێ د كۆنفرانسێ ئاڤەدانكرنا عێراقێ دا كەن و چەندین رێڤەبەرێن گشتی ل وەزارەتا پلاندانێ دی بەشداریێ د وی كۆنفرانسی دا کەن.
هەروەسا دێ نێزیكی 70 وەلات بەشداریێ د وی كۆنفرانسی دا كەن،کو یێ تایبەتە ب ئاڤەدانكرنێ عێراقێ ڤە.
