شانوڤانەک – پێدڤی یە ھونەرمەندێن کوردستانێ دکارێن خوە دا پشتەڤانیا ریفراندۆمێ بکەن
ئەڤرۆ نیوز ، نەوزاد ھلۆری:
محەمەد سالح ئێکە ژ وان شانوڤان و ئەکتەر و دەرھێنەرێن گەنج کو تا رادەیەکێ باش شیایە ل سنوورێ پارێزگەھا سلێمانیێ روولێ خوە ببینیت و ددەتن دیارکرن کو دەم ھات ھەموو ھونەرمەندێن کوردستانێ پشتەڤانیا ریفراندۆمێ بکەن.
محەمەد بو ئەڤرۆ نیوز ددەت دیارکرن کو ژبلی وەکو دەرھێنەر ئەوی وەکو ئەکتەر ژی پشکداری د چەند فلمەکان دا کریە و گۆت: (ماوەیێ ھەشت سالایە ئەز کارێن ھونەری دکەم و و دوو سالە ژی وەکو سەرپەرشتیا ل تیما شانویا بەھرەم کاردکەم و دێ بەردەوام بین لسەر کارێن ھونەری ھندی ملەتی َمە پێدڤی ب مە ھەبیت )
زێدەتر گۆت ( نھا کار لسەر شانویەکا سەر جاددان دکەین کو وەسا بریارە ھەیڤا ١٠ بھێتە ئەنجامدان ، و ئەز گرنگ دبینم کو ھەموو ھونەرمەندێن کوردستانێ ب ھەموو جورێن خوڤە ھەر ئێک دوار و بسپوریا خوە دا کار بکە سەرئێخستنا ریفراندومێ بکەت ب تایبەتی د بەرھەمێن خوە دا مینا کلیپ و زارڤەکرن و کورتە فلم و ستران و شانو و ھەموو جورێن دن یێن ھونەری)
ناڤبری ل سالا ١٩٨٤ ل کەلار یا سەر ب کارگێریا گەرمیان ژ دایکبوویە و زێدەباری کارێن ھونەری وەکو ماموستا و نھا ژی وەکو رێڤەبەرێ نڤیسینگەھا کوردستان تیڤی ل گەرمیان کار دکەت و زێدەتر گۆت: (ھەر کارەکێ مرۆڤ بکەت بێگومان دێ ئاستەنگ ژی ھەبن بەلی َکەسانێن سەرکەفتی ئەون یێن لسەر ئەوان ئاستەنگان زال بن ، پێدڤی یە زێدەتر کار بو شانویێ ب تایبەتی شانویێن لسەر جاددەیان بھێتەکرن)
