شانوگه‌ریا تێكده‌ر ژ قاره‌مانیا گۆڕان خوازان
دیاره گه‌له‌ك شانوگه‌ریێن سیاسی ل گه‌ل دروستبوونا ره‌وتێ بناڤ گۆڕان خواز ل كوردستانێ په‌یدا بووینه و هه‌ر جار شانوگه‌ریه‌ك ب شێوه‌كێ دهێته دارێشتن و ده‌رهێنه‌رێ شانوگه‌ریا زور شه‌هره‌زایی ل بارودوخێ كوردستانێ هه‌یه دزانیت سیناریوان چاوان دابرێژیت و چاوان ئه‌كته‌رێن شانوگه‌ریا خو بده‌ته كاری، گومان تێدا نینه شانوگه‌ریێن سیاسی ده‌مێ به‌رهه‌می عه‌قه‌له‌كێ سیاسی یێ پلان دارێشتن و تێكدان و قه‌یرانان بیت به‌رهاڤیتیێ ئه‌ڤان شانوگه‌ریان یان ئه‌نجامی وان دێ نه‌رێنی بن لسه‌ر جڤاكی ئه‌وا نوكه ل كوردستانێ دهێته دارێشتن و گێران سه‌رچه‌قێن مێژویی هه‌نه به‌لێ ئه‌م دێ به‌حس ل ئێكه‌م شانوگه‌ری كه‌ین، ده‌مێ ل سالا 2011 بو هه‌لوه‌شاندنا حكومه‌تێ هاتیه دورست كرن و هنده‌ك ئه‌كته‌رێن لاواز ئیناینه لسه‌ر ده‌پێ شانویی و بویه‌رێن 17 شوباتێ ل ده‌رچون و پاشان شانوگه‌ریا تیروركرنا زه‌ره‌ده‌شت عسمان لدیڤ دا هاته نمایشكرن ل ماوێ 24 ده‌مژمێران دان كه‌رنه‌فال و روندكێن تیمساحان هاتینه باراندن و ژ ئه‌نجامێ نه‌بونا ته‌حمولا سیاسی ل كارێ ئوپزسیسونی دا زور كارێن خرابتر بویه بویه‌رێن روژی و ئه‌و تێگه‌هێ ده‌رهێنه‌رێ شانوگه‌ریا باوه‌ری پێ هه‌یی به‌رده‌وامی كرن ل سه‌ر نه‌راستیان و به‌لافكرنا توهمه‌ت بنافێ گه‌نده‌لی و نه‌بونا شه‌فافیه‌تێ بتنێ مه‌ره‌م ژ به‌رده‌وام بوونا وان ئه‌وه وێنه‌یه‌ك راست بو خه‌لكی نیشا بده‌ن بو زانین ده‌مێ هتلری دڤیا دره‌وكی بكه‌ته راست بو خه‌لكی به‌رده‌وام به‌لافدكر تاكو باوه‌ری بو خه‌لكی دورست بیت.
چ شانوگه‌ریان هندی شانوگه‌ریا 23ی خزیرانێ دگه‌ل وه‌زعی نه‌گونجا یێ كو هه‌رێما كوردستانێ تێدا دبوریت ره‌وشا سیاسی و ئابوری و له‌شكه‌ری و ده‌رونێ خه‌لكی تێك نه‌دایه ئالوزكرنا ره‌وشا كوردستانی و دارێشتنا پلانێن دژواركاری گه‌هشتی یه وی راده‌یی ئێدی سیناریویێن كوشتنێ و گه‌فلێكرنی لسه‌ر په‌رله‌مانتاران به‌لاف دكه‌ن و دویر نینه ده‌زگه‌هێن هه‌والگیری مفایی ژ ڤێ ره‌وشا گوران خوازا دورست كرین ببینن كو تێك دانا ره‌وشا كوردستانێ یه چونكه ئه‌و زه‌مینا گه‌فلێكرنی و كوشتنێ و تێكدانێ گوران كریه كه‌تواره‌ك دویر ژ راستی و په‌رده‌پوشكرنا راستیێن ل بن په‌ردێن تاریی یێ ده‌رهێنه‌رێ ئه‌ڤان شانوگه‌ریان دهێته دارێشتن و ئه‌گه‌ر شانوگه‌ریا دورست كو ئه‌و ژی ئێكگرتن و برایه‌تی و پێكڤه پاراستنا كوردستانێ و دارێشتنا ستراتیجیه‌تا نه‌ته‌وه‌یی یه نه‌هێته به‌رهه‌م ئینان و سینارویێن نه‌ته‌وه‌یی بو نه‌هێنه دارێشتن و قه‌یران نه‌هێنه چاره‌سه‌ركرن ئه‌وان كو دوژمنان نه‌شیان بده‌ست ڤه بینن دژی كوردان ئه‌م بخو دێ ده‌لیڤێ ده‌ینه دوژمنان له‌ورا راستیه‌ك هه‌یه ئه‌و ژی میّژویا تالا خه‌لكێ كوردستانێ ئه‌گه‌ر دوباره بیت نه‌بتنێ لایه‌نه‌ك یان به‌شه‌ك ژ خه‌لكی دێ باجێ ده‌ن به‌لكو ئه‌زمونا كوردستانی ب هه‌می وان تێبینیێن مه لسه‌ر هه‌ین دێ ژ ده‌ست ده‌ین و گیروركرنا چاره‌سه‌ركرنا ئاریشان بخو خوكوشتنا ده‌می یه تاكو ده‌رئه‌نجامێن خراب ژێ ده‌ربچن.
ل دوماهیكا ڤی بابه‌تی گه‌له‌ك ده‌ستپێشخه‌ری و به‌یاننامه هاتینه به‌لافكرن ل سه‌ر ره‌وشا كوردستانێ و چاره‌سه‌ری ئه‌وه هه‌می پروژه ب كه‌فنه لبن دانوستاندێن ب جدی ل سه‌ر ئاستی لوتكا سه‌ركردایه‌تی نه‌ك خه‌لكه‌ك حازر بێت بێ بریار به‌لكو ئه‌وێن بریاران ده‌ن دڤێتن بخو حازربن و بریارێن كوتایی بو كوتایی ئینانا ئه‌ڤان شانوگه‌ریان بهێن و روه‌شا كوردستانێ به‌ره‌ف كناره‌كێ ئارام به‌ن و رێزی ل وان شه‌هیدین سه‌ربه‌ز بگرن و وان پێشمه‌رگه‌هێن قاره‌مان یێن ل سه‌رمان و گه‌رمایێ ته‌حمولا هه‌می كاره‌كی دكه‌ن پێناڤ پیروزترین به‌ها و په‌یف كو ئه‌وژی كوردستانه.
