شانۆكارەكێ دهۆكێ بوویە ئەندام د لژنا هەلسەنگاندنا فەستیڤالا كەركووكێ دا
زنار تۆڤی:
بەری دو رۆژان فەستیڤالا حەفتێ یا شانۆیا ل سەرجادێ ل پارێزگەها كەركووكێ دەستپێكر و دهێتە چاڤەرێكرن چەندین شانۆگەری ل وێ فەستیڤالێ بهێنە نیشادان و گرۆپ و تیپێن پشكدار ژ هەرێما كوردستانێ و عیراقێ و سوریێ و جەزائیر و تونس و ئیتالیا نە و شاتۆكارەكێ دهۆكێ ژی ئەندامە د لژنا سەرنگاندنا وێ فەستیڤالێ دا.
قەدری شێرۆ، شانۆكار و ماموستایێ زانكۆیا دهۆك، د دیدارەكێ دا بۆ رۆژناما ئەڤرۆ گۆت: خۆشحالم كو ئەز ل پارێزگەها دهۆكێ هاتیمە هەلبژارتن بۆ ئەندامەتیا لژنا سەنگاندنا فەستیڤالێ، بیست و چار تیپ و گرۆپێن شانۆیێ دڤێ فەستیڤالێ دا د پشكداران و دێ شانۆگەریێن خوە نیشادەن، فەستیڤالێ ل نوزدەی ڤێ هەیڤێ دەستپێكریە و دێ هەتا ئەڤرۆ ئێڤاری یا بەردەوام بیت و بۆ ئەڤ سالە چو تیپ و گرۆپێن شانۆیێ ژ دهۆكێ پشكداری دڤێ فەستیڤالێ دا كرینە.
