شانۆگه‌ریا ژنێن چاڤه‌رێكری
هه‌ر وه‌كو من چو شانۆگه‌رێن كوردی نه‌دیتینه، هه‌كه ده‌رهێنه‌رێ وێ بخوه هه‌ر ئه‌وه به‌رهه‌ڤكار و خودانێ هزرێ و دیكۆرێ، وه‌كو د شانۆگه‌ریا كوردی (ژنێن چاڤه‌رێكری) دا ل هۆلا كرنگره‌یێن مه‌زن ل زانكۆیا دهۆكێ و جه‌ماوه‌ره‌كێ مه‌زن ل ئێڤاریا رۆژا دوشه‌مبی و سێشه‌مبی 12ـ 13 كانوونا دویێ 2015 و د هنده‌ك شانۆگه‌ریێن دی دا ژی ده‌رهێنه‌ر بخوه مافێ قاره‌مانیا ره‌هایی دده‌ته خوه و ره‌نگه ژی جه‌ماوه‌رێ خوه ب خورتی زۆری دئینیت، بۆچی ده‌رهێنه‌ر گه‌له‌ك رۆلان دده‌نه خوه؟ د اكو دا پتر قه‌نجی بۆ وی بزڤریت یا ندا ژ سه‌ركه‌فتنا نه‌مایشێ پشتراست بیت؟ هه‌ر وه‌كو من چو شانۆگه‌ریێن كوردی نه‌دیتینه ب تنێ هه‌كه ده‌رهێنه‌رێ وێ و به‌رهه‌ڤكارێ وێ دخوازیت كو هه‌می تشتان بێژیت هه‌تا وی راده‌ی كو ل دووماهیا نه‌مایشێ بێژیت: ده‌رهێنه‌ری خواست چ بێژیت؟ دا پشتی هینگی ده‌رهێنه‌ر هزره‌كا سه‌یر بینیت كو كه‌سێ هزر لێ نه‌كربیت!
هزرا شانۆگه‌ریا یۆربیدس (كچێن ترواده) ئه‌وا ل سالا 415 به‌ری زاینی هاتیه نڤیسین، ب مخابنیڤه ل سه‌ر هندێ ده‌مێ گزیرتێن ملیۆس رۆخاندین چونكو ئه‌وان هه‌لویستێ بێلایه‌نی وه‌رگرتی د شه‌رێ دا كو د ناڤبه‌را ئه‌سینا و ئیسبارته دا، له‌ورا ئه‌ڤ تێكسته نڤیسی ب ره‌خنه‌گرتنا هه‌لویستێ وه‌لاتێ خوه، پۆختا تێكستی دبێژیت: گریكان ب سه‌ر ترواده دا گرتبوو، خاتوونێن مالا بریامێ ل سه‌ر ئێك ژێكراكرن، بۆلۆكسینا سه‌رژێكرن ل سه‌ر گۆڕێ برایێ خوه كو بچووكترین كچێن بریامی بوو، ئه‌نرۆماخی هه‌ڤژینا هكتۆری دیاركرن بۆ كوڕێ ئه‌خیلی، ئه‌ستواناكس یێ سۆراڤیچك ژ كومتا چیایه‌كێ بلندا دا هاڤێتن، چو تشته‌ك د تێكستی دا نه‌بوو ژ بلی هیگۆبا یێ پیره‌ژنا هه‌ڤژینا بریامی خودانا پرچا سپی بۆ وه‌لاتێ خوه دگریا و زێمارا كچێن ترواده. لێ د (ژنێن چاڤه‌رێكری) دا چو مایه ژ یۆربیدس؟ چو تشت ب تنێ ناڤێ وی هنده‌ك جوانگاریێن نازك. پیره‌ژنا هیگۆبا ناڤێ وێ ل ڤێره (ده‌وله‌ته) و گه‌نجه‌كا جوان ژ كچێن وێ بچووكتره، نه‌شیان پرچا وێ پیچه‌كێ ب سپی بۆیاغ بكه‌ن، یانژی هه‌ما چه‌نده‌كێ تێبده‌ن. مه‌منۆن ئاغا كو ده‌رنه‌كه‌فت بوو د شانۆگه‌ریا یۆربیدس دا ب ناڤێ خه‌لیفه‌ی ل سه‌ر هسپه‌كێ ئاسنی یێ بلند، چو خه‌م نینن ژ بلی هندێ كو كچا ده‌وله‌تێ بۆ خوه بینیت و رێخستنا ڤێ شه‌هیانێ بكه‌ت كو وه‌كو هه‌ڤژینانا شاهی بیت، هیڤی خه‌لیفه‌ی سه‌رژێدكه‌ت د دیمه‌نه‌ێ دووماهیێ دا. ستی خانما جانم و سه‌رزه‌ر خوه نه‌مایش دكه‌ت بۆ زه‌لامێن خه‌لیفه‌ی د اكو ژ ره‌وشا خراب قورتال بیت، یێن دیتر بزاڤێ دكه‌ن نه‌هێلن وه‌بكه‌ت، ژ چ تشتی قه‌ده‌غه بكه‌ن و ئه‌و یێن دیلكری؟ كچه‌كا بچووكه ناڤێ وێ سنه‌مایه گازندا دكه‌ت( ئه‌ز كچه‌كا زارۆ بووم، گۆتن م خوه به‌رهه‌ڤ بكه و چو نه‌مایه و دێ ژیێ ته بیته شه‌ش سال و دێ چیه خواندنگه‌هێ و دی َمه‌زن بی و دێ ته ده‌ینه شوو، من هه‌رده‌م ئه‌ڤ چه‌نده دڤیا مرادا من بوو، چاڤێن من د نقاندی بوون و پشتی گه‌هشتیمه ڤی ژیی، من زانی كو بچووكاتیا من و سنێلاتیا من هه‌می ب هه‌روه‌یی چوو، ده‌مێ ژیێ هه‌ر ئێكێ دگه‌هیته چل سالێی دێ زانیت كو ژیی ب له‌ز دبووریت) هه‌ر وه‌كو ڤێ هه‌وارهاتنێ هاتنه د ناڤ نه مایشێ دا، گۆتارێن حه‌زژێكرا وه‌لاتی و ئه‌ردی و قوربانیان دا و سروودان و حه‌شۆیه‌كا زۆر د سیناریۆیایێ دا ل دۆر ستێران یان ل گه‌ل ئامیرێ مه‌زنكرنا ده‌نگی یان بانگاوازیه‌كا دوباره‌كری یان دیالۆگه‌ل ل دۆر ده‌وله‌تێ كو پتر ژ سعه‌ته‌كێ ڤه‌كێشابوو و یا ب ساناهی بوو بهێته قوتكرن بۆ نیڤ سعه‌تێ یان كێمتر. (حبكه) ل دۆر ژنێن ئێزدی د دیلكرنا خه‌لیفه‌ی دا یێ حه‌ز دكه‌ت سۆراڤیچكی بكوژیت كوڕێ گولبهارێ كو نه‌گه‌هشتیه ساله‌كێ و بابێ وی یێ كوشتیه، لێ یا ب دو گیانه ب زارۆیه‌كێ دیتر كو دێ بیت و دێ تۆلا بابێ خوه ڤه‌كه‌ت و بۆ وه‌لاتێ خوه و دوژمنان بكوژیت. شه‌مین زرنیشانێ ژ كوردستانا ئیرانێ ئامیرێ سانتۆرێ ژه‌نی ب ژنینه‌كا ب حنێر، هه‌ر وه‌سا ده‌ف لێددان، رۆگه‌ش كرجیێ ژ ئسته‌نبۆلێ رابوو رۆلێ پیره‌ژنێ رابوو ل ئه‌داكرنه‌كا بسپۆری و شاره‌زا.
و: ئه‌ڤرۆ
