شانۆ بەرێ مرۆڤی ددەتە هەبوونێ
هەرهین محەمەد:
شانۆڤان (حەمرین جەمیل) د دیدارەكێ دا بۆ رۆژنامەیا ئەڤرۆ گۆت: د شانویێ دا هەموو تشت دخۆش، چونكو ب ئەشق كاردكەم داكو تشتەكێ جوان بینمە هەبوونێ و دبینم شانۆ دناڤ تاریێ دا بەرێ مرۆڤی ددەتە هەبوونێ، ئانكو تشتێ مرۆڤ و جڤاك نەشێت بێژیت ب شانۆ دیاردكەین و ل دونیایێ هەموویێ شانۆ بوویە پیشە بۆ هونەرمەندان و ئەڤ چەندە ژی دزڤریت كو ئەوان بینەرێ شانۆیێ یێ هەی و گرنگیێ دەنە شانۆڤانان و رێزێ لێ دگرن، بەلێ ل كوردستانێ شانۆ بۆ شانۆڤانان نەبوویە پیشە و پێ بژین و كارێ شانویێ دكەم ژبەركو حەزا منە و چو داهات بۆ من ژێ ناهێن بەروڤاژی ژ بەریكا خوە كارێن شانۆیێ دكەین.
زێدەتر گۆت: شانۆ ب خوە یا ئازادە و هەر شانۆڤانەك ب رەنگەكی كارێ شانۆیێ دكەت و ئەز ب خوە ژی گەلەكێ ئازادم ددەمێ زارڤەكرنێ دا و چو پەیاما من بڤێت ئەز دگەهینم بێ كو فشار ل سەر من هەبن و ئەم یێن ئازدا ژدایكبووین و دێ ب ئازادی ژی ژین و پەیامێن خوە گەهینین.
