شاهێ ئوردنێ سەبارەت ب رەوشا نها هۆشداریێ ددەت
شاه عەبدوللا شاهێ ئوردنێ د داخۆیانیەکێ دا راگەهاند، دڤێت د زووترین دەم شەرێ نها د ناڤبەرا ئسرائیلێ و حەماسێ دا بهێتە راگرتن، هەکە ئسرائیلێ بڤێت ب رێیا ئەردی بزاڤا داگیرکرنا غەزە بکەت ئەو یەک دێ بیتە ئەگەرێ بەرفرەهبوونا شەری و بێگومان د دەمەکێ وەسا دا دێ کاریگەریا خوە یا خراب ل هەموو دەڤەرێ کەت، ژ بەر ڤێ یەکێ ژی دڤێت هەموو ئالی بزاڤا هندێ بکەن دا شەر بهێتە راگرتن.
ناڤهاتی ئەو یەک ژی دیار کر، نها رەوشا غەزە گەلەک خرابە و هاریکاریێن مرۆڤی ژی ناگەهنە دەستێ خەلکی، د رەوشەکا وەسا دا دێ گەلەک خەلکێ سڤیل بنە قوربانی، ژ بەر ڤێ یەکێ ژی گەلەک یا گرنگە نها هەموو ئالی کار بۆ راگرتنا شەری بکەن، مخابن ئامارێن نها ژی نیشا ددەن هەری زێدە زیان گەهشتیە خەلکێ سڤیل و دڤێت ئەو یەک بهتێتە راگرتن.
