شایستەیێن دارایی یێن جۆتیارێن هەرێمێ دێ هێنەدان
دهۆك، دلۆڤان ئاكرەیی:
جێگرێ سەرۆكێ پەڕلەمانێ ئیراقێ دیاركر، بڕیار هاتیەدان شایستەیێن دارایی یێن هەمی جۆتیاران ل هەرێما كوردستانێ و كەركووكێ و مەخموورێ و هەمی وان دەڤەرێن دی یێن پاشكەفتی بهێنەدان.
د. شاخەوان عەبدوللا، جێگرێ سەرۆكێ پەڕلەمانێ ئیراقێ بۆ رۆژنامەیا ئەڤرۆ گۆت: «مە د دیدارەكێ دا ل گەل ئەسیر داود، وەزیرێ بازرگانیێ ئیراقێ، پرسەیا شایستەیێن جۆتیاران گەنگەشە كریە و سۆز هاتیەدان شایستەیێن دارایی یێن هەمی جۆتیاران ل هەرێما كوردستانێ و مەخموورێ و هەمی وان دەڤەرێن ژڤانێ بەلاڤكرنێ پاشكەفتی بهێنە دان».
گۆتژی: «بۆ ڤێ گەڕێ 500 ملیار دینار هاتینە تەرخانكرن، د رۆژێن بهێن دا دێ كەڤنە سەر هەژمارا وەزارەتا بازرگانی یا ئیراقێ، ل دەستپێكێ شایستەیێن دارایی یێن وان جۆتیاران دێ هێنە دان، یێن پارەیێ وان كێمە و هەتا 50 تەنان ڕادەستكرین، پاشی دێ پارەیێ وان كەسان هێتە دان، یێن زێدەتر ژ 50 تەنان ڕادەستكرین».
