شرۆڤهكارهك: ههڤپهیمانیا رزگاركرنا نیشتمانی ب هێزترین ههڤپهیمانیا جڤاتا نوونهرایه
شرۆڤهكارێ سیاسی یێ ئیراقی نهجم قهساب راگههاند، ههڤپهیمانیا سێقۆلی (ههڤپهیمانیا رزگاركرنا نیشتمانی ب هێزترین ههڤپهیمانیه دناڤ جڤاتا نوونهرێن ئیراقێ دا.
نهجم قهساب گۆت ژی، دهستپێشخهریا موقتهدا سهدر، رێبهرێ رهوتێ سهدری، رامانا وێ دهستبهرداربوونا موقتهدا سهدر ژ ههڤپهیمانیا رزگاركرنا نیشتمانی نینه.
دیاركر ژی، موقتهدا سهدر ب دهستپێخهریا خوه و وێ دهلیڤا دای پهیامهك گههانده ههڤپهیمانیا چارچۆڤێ ههماههنگیێ كو ناڤهرۆكا وێ ئهوه رهوتێ سهدری ل گهل چارچۆڤێ ههماههنگیێ پشكداریێ د پێكئینانا كابینا نوو یا حوكمهتا ئیراقێ دا ناكهت.
خویاكر، ههڤپهیمانیا رزگاركرنا نیشتمانی ب هێزترین ههڤپهیمانیه دناڤ جڤاتا نوونهران دا كو تنێ ب رێیا سێ سهركردان دهێته برێڤهبرن و چارچۆڤێ ههماههنگیێ ژی ب 50 سهركردان وهكو وێ ههڤپهیمانیێ یا ب هێز نینه.