شرۆڤه‌كرنا جه‌مال شه‌ريف ل سه‌ر ياريا يۆڤانتۆس و به‌رشه‌لۆنا
ئه‌ڤرۆ نيوز:
شه‌ڤا بۆرى ليونێل ميسى گۆله‌ك ل سه‌ر يۆڤانتۆس تۆماركر و دادڤانێ ياريێ ره‌تكر، پاشان ل ناڤ ده‌ڤه‌را په‌نه‌لتيێ ته‌په‌ك ب ده‌ستێ جۆرجيۆ كيلينى كه‌فت و هه‌مان ره‌نگ دادڤانى وه‌كو په‌نه‌لتى نه‌هژمارت.
جه‌مال شه‌ريف شرۆڤه‌كارێ وه‌زرشى و شاره‌زايێ كارێ دادڤانيێ به‌حس ل وان حاله‌تان دكه‌ت و دبێژيت: “بڕيارێن دادڤانى د دروست بوون”.
د داخۆيانيه‌كێ دا بۆ رۆژناما سپۆرت يا وه‌رزشى گۆت: “ئه‌و ده‌مێ سوارێز د هێلا ئۆفسايدێ دا پاسه‌ك دايه ميسى و وى ژى كره گۆل، ژ به‌ر هندێ سوارێز د ئوفسايدێ دابوو و بڕيار د جهێ خوه دابوو”.
ده‌رباره‌ى وى ده‌مێ ياريكه‌رێن به‌رشه‌لۆنا داخوازا په‌نه‌لتيێ كرين ل ده‌ما ته‌پ ب ده‌ستێ كيلينى كه‌فتى، جه‌مال شه‌ريف گۆت: “ئه‌و حاله‌ت ب چو ره‌نگه‌كى په‌نه‌لتى نينه، چونكو كيلينى ب مه‌ره‌ما گوهۆڕينا ئاراسته‌يێ ته‌پێ ده‌ستێ خوه ل ته‌پێ ناده‌ت و بڕيارێن دادڤانى د دروست بوون”.
ل دووماهيێ ناڤبرى دا زانين كو ئه‌وى د ياريا شه‌ڤا بۆرى دا چو خه‌له‌تيێن دادڤانيێ د ياريێ دا نه‌ديتينه، ئه‌وا شڤێدى ب سه‌ركه‌فتنا يۆڤانتۆس ب ب سه‌ر به‌رشه‌لۆنا ب دووماهى هاتى ب سێ گۆلێن پاقژ ژ ياريێن گه‌را چوونێ يێن نيڤ دووماهيا شامپيۆن ليگ.
