شـێوازێ ژنێن مـاقـویل
ب، شەهلا ڕێکانی:
جوانی و ماقویلیێ پەیوەندی ب سەلیقە و تێگەهشتنا ژنان ڤە هەیە بۆ ژیانێ، ژنێن ماقویل ئەڤی شێوازێ ژیانێ بخۆ دروست دکەن:
– ڕوتینا خۆ هەیە: سپێدەیان ددەمێ خۆدا ڕادبن و تێشتا سپێدێ ژبیر ناکەن، داکو ساخلەم بمینن و د ڕۆژا خۆدا د چالاک بن .
– خۆ ژ تشتێن نە ساخلەم دویر دکەن: خانمێن ماقویل ب هیچ ڕەنگەکێ جگاران و نارگیلێ ناکێشن و مەشروبی ناڤەخۆن و خوارنێن نەساخلەم ناخۆن و خەوەکا باش دکەن .
– سەرنجا وان لسەر وان بخۆیە: لجهێ هندێ کو ئاگەهداری ژیان و کارێن کەسانێن دیتر بن، پتر ئاگەهداری شێوازێ ژیانا خۆنە.
– خۆ پێش دئێخن: بزاڤێ دکەن ئاستێ خۆ یێ ڕەوشەنبیری بلند بکەن و خۆ پێدگەهینن و ئاستێ باوەری بخۆبۆنێ لدەف خۆ پتر لێکەن.
– پەیوەندیێن بهێز دروست دکەن: خۆ ب پەیوەندیێن دەمکیڤە مژویل ناکەن، گەر بزانن ئەنجام نینە، لجهێ هندێ ئەوان کەسان دئیننە د ژیانا خۆدا یێن کو دگەل واندا بمینن.
– کومکرن و وەبەرهێنانێ دکەن: پارەیێن خۆ ب هەروە نا مەزێخن، فێر دبن کا چاوا پارێن خۆ کوم بکەن و چاوا د وەبەرهێنانێ دا بکاربینن.
– کارێن خێرخوازی دکەن: بەردەوام پشکداریێ د کارێن خێرخوازی دا دکەن و دبەخشن دزانن کو ژیانێ بڤی شێوەی ڕامان هەیە.
– ئاگەهداری لەش و دەروونێ خۆنە: ئەڤ جورە خانمە ساخلەمیا خۆ یا لەشی و دەروونی پشتگوهـ نائێخن.
– پاقژی گرنگترین تشتە: خانمێن ماقویل بەری جلکا و میکیاجی، گرنگیێ ب پاقژیا لەشێ خۆ ددەن.
