شكاندن و چارەسەری
ئەلند مزووری
ئەڤە هەیامەكە ژ نشكاڤە روودانەكا سەیر پەیدادبیت، ئەو ژی شكاندنا جامێن ترۆمبێلایە ل ناڤا بازاڕی ژلایێ هاولاتیەكێ دهۆكێ ڤە و ئەڤ كریارە بۆ چەندین جاران یا دووبارە دبیت.
ئەڤ هاولاتیە ب بەهانەیا دیناتیێ یان نەخۆشیا دەروونی ڤان رەفتارێن نە شایستە دناڤ بازاڕێ دهۆكێ دا ئەنجام د دەت ئەڤ كریارە هەتا نڤیسین و بەلاڤكرنا ڤی بابەتی ژی ئەڤ كریارە ژلایێ وی كەسی ڤە دبەردەوامن.
نوزانم ئەڤ كابرایە یێ دورستە یان نە؟ یان خۆ ب دیناتی ئینایە دەرێ، ئەڤە دەمەكە ئەڤی كابرای چەندین كارێن بڤی ڕەنگی ئەنجامداینە، بێ كۆ كەسەك یان لایەنەك دەستێ وی بگریت ئەگەرێێن ڤێ كریارێ بۆ ڤەگێریتن، ئەڤ چەندە یا بوویە ئەگەرێ دلگرانیا هەموو شۆفێران ئێدی ئەو ژی زوو ب زوو نەوێرن ترۆمێلێن خۆ ل ناڤ بازاڕی ب راوەستین.
ئەرێ كی بەرپرسە ژ ڕەفتار و كریارێن ڤی جامێری؟.
ئەگەر ئەڤ مرۆڤە ل دووف حەزێن خۆ یان ژلایەكیڤە بهێتە هاندان بۆ ئەنجامدانا ڤان كریاران، بلا سازیێن ئیمناهیێ ب تایبەت پۆلیس دووڤچوونەكێ لسەر بكەن و بداننە دبن چاڤدێریێ هەتا كۆ دگەهنە ئەنجامێن دووڤچوونێ، ئەگەر ئەڤی كەسی چ نەخۆشیێن دەروونی یان هەر هەر نەخۆشیەكا لێ نەبن بلا ئەو رێكارێن خۆ یێن ئاسایی وەربگرن، لێ ئەگەر نەخۆشیكا دەروونی هەبیت بلا ئێكسەر رادەستێ ڕێڤەبەریا ساخلەمیێ سەنتەرەكێ تایبەت ب نەخۆشیێن دەروونی بكەن بۆ چارەكرنا وی، ئەگەر ژلایێ مێشكیڤە یێ دورست نەبیت بلا گەلەك ئازادیێ نە دەنێ و سنۆرەكی بۆ بدانن و خێزانا وی ژێ بەرپرس بكەن، هەتا كۆ چارەكێ بۆ دهێتە دیتن، دا كو خەلكەك ژڤێ كێشە و كریارێن ئەو پێ رادبیت ژێ قورتال ببن.
بلا كەس و كارێن وی ئاگەهدار بكەن و ئەو ل سەر هەر كریارەكا وی یا خراب بەرپرسن، یانژی ژلایێ پۆلیسان ڤە دووفچوونەكێ لسەر بكەن كا كی ل پشت كریارێن وی یە، ئاگەدار بكەن داكو چارەیەكێ ل نەخۆشیا وی بكەن.
