شنگالێ گه‌له‌ك كرنه مرۆڤـ!!
ئه‌و مۆزیكژه‌نێ به‌ری 30 سالان هێكه‌ك كری، جاره‌كا دی هێكه‌كا دی كره‌ڤه! ب دیكله‌كێ بیانی فساندی. ئه‌و ڕێكخراوا هزره‌تا وێ 10 هزار دۆلار نۆكه یا خنێ بووی د دۆلاری دا!. ئه‌وێ بێ سمبێل، نوكه سمبێلێن وی ژ سمبێلێن (خودێ دایێ قوتوی) درێژترن!. شنگالێ گوهۆرینه‌كا ئێكجار مه‌زن د ده‌ڤه‌رێدا كر! ئه‌و بوونه قوربان و هنده‌ك بوونه مرۆڤـ! گه‌له‌ك ڕووڤی بوونه شێر و پلنگ!، گه‌له‌كێن خالی تژی بوون!، ئه‌م ته‌یرێن كه‌له‌خاینه، ئه‌م ل سه‌ر كاره‌ساتا و گۆرێن ب كۆم دژین! هنده‌ك دشیشتینه ژ دلۆڤانیا مرۆڤایه‌تیێ! ئه‌و چاوا دكارن خوینا زارۆیان ڤه‌خوون؟ ما چ هه‌لكه‌فتنێن دی نینن ئه‌م شیانێن خوه پێشكێش بكه‌ین؟ چالاكێن مه هه‌می قوربانی سترانا(هه‌له‌پچه) ببن! ئه‌ڤا شڤان په‌روه‌ی گۆتی ل سالا 1988 ل وێ سالێ پتری 8000 مرۆڤان ب چه‌كێ كۆم كوژ بنبڕ بوون! و 8000 بارزانی به‌رزه!200هزار كورد ب ساخی بن ئاخ بوون! وێ گاڤێ گه‌له‌ك ژ هونه‌رمه‌ند و مۆزیكژه‌نێن مه ل ئاهه‌نگا جه‌ژنا بوونا سه‌رۆكێ دكتاتۆرێ عیراقێ (سه‌دام حسێن) ی د ڕه‌قسین. ما ئه‌نفال ما 5000 گوندێن وێران؟ یان قه‌لاتا نزاركێ و سه‌د قه‌لاتێن دی یێن مرنێ؟! پا مه چ كونسێرت بۆ ڤان نه كرن؟؟؟ ئه‌م د خالینه و ئه‌ڤ كه‌سانه خوه ب مرنا مه تژی دكه‌ن! ژ به‌ر هندێ كاودانین ژیانا مه ژ سالا 1974 جوداتر نینه!. ل دووڤ هزرا ئه‌وروپی و ل دووڤ دیتنا وان ئه‌ڤ ملله‌تێ كورد پێدڤی ب هوشیاردانێ هه‌یه كو ژیانا سه‌خت دوباره نه‌كه‌ت! وه‌كی جارێن چووی. ملله‌ت ب كه‌سانێن مه‌زن بلند دبیت! و ب كه‌سانێن كه‌تی پیس دكه‌ڤیت.
