شنێشل بۆ راھێنەرێ ڤێ یانێ
ئەڤرۆ نیوز:
کارگێریا یانا نەفت وەسەت یا عیراقی ئەڤرۆ راگەھاند ئەو گەھشتنە رێککەفتنێ دگەل راھێنەرێ بەرنیاس ل سەر ئاستێ عیراقێ رازی شنێشل ل شوونا راھێنەرێ دوورخستی ماجد نەجم.
پشتی چەندین ئەنجامێن خراب یێن یانا نەفت وەسەت د خولا عیراقێ دا وان بریار دا راھێنەرێ خوە ماجد نەجم دوربێخیت و ل شوونا وی راھێنەرێ بەرنیاس رازی شنێشل ھاتە دانان بێ کو بھایێ ڤێ ھەڤبەستێ ئاشکرا بکەن دیسان ھاریکارێ وی عەبدولجەبار ھاشم و راھێنەرێ گۆلپارێزان سالح حەمید دگەل راھێنەرەکێ ئسپانی بۆ ھێزا لەشی دێ دگەل کار کەن.