شه‌رێ ئه‌لكترۆنى ژ داعش بۆ حه‌شه‌د شه‌عبى
ئەڤرۆ نیوز، نەوزاد ھلوری:
گەنجەکێ پارێزگەھا دھۆک دەما چوار سالایە بەردەوام مژولێ پوچکرن و ژناڤبرنا پێگە و پەیچ و ئاکاوتن و ڤیدیویێن سەربرین و کوشتن و سفکاتیکرنا پێشمەرگە و خەلکێ کوردستانێ یە و ھەتا نھا زێدەتری ٥٠ ھزاران ژناڤبرینە ، دنھادا دەست ژناڤبرنا ھەمان تشتێ حەشد شەعبی کریە و ددەتن دیارکرن کو بو کوردان چو جوداھی دناڤبەرا حەشد و داعش نینە.
شوان بەرواری ئەو گەنجە کو ب پێشمەرگێ ئەلیکترونی ژی دھێتە نیاسین دیارکر کو دەما چوار سالایە بەردەوام ئەو مژولێ ژناڤبرنا پێگەە و پەیچ و ئاکاوتن و ڤیدیویێن درانداتیا داعشێ یە بەرامبەر گەلێ کوردستانێ و بۆ ئەڤرۆ نیوز گۆت: (پێدڤی یە کوردان ژبلی لەشکەرێ سەربازی و شەرێ چەکی ، د ھەمان دەم دا پێدڤی یە لەشکەرەکێ تایبەت ژی ھەبیت کو شەرێ دەرونی ل گەل دوژمنان بکەن ژبەرکو دوژمن ب رێژە و ھژمارەکا ئێکجار زور یا شەرێ ئەلیکترونی و دەروونی شەری بەرامبەرێ خوە دکەن ، بو نموونە داعشێ ملیونان ڤیدیویێن سەربرین و کوشتن و سفکاتیکرنا ب پێشمەرگە و خەلکی و ژنان بەلاڤکرینە کو راستەوخو کارتێکرنەکا زور لسەر دەروون و مێشک و دلێ خەلکی دکەت ب تایبەتی ژنان و زاروکان و ترسەکا زور لدەف وان پەیداکریە ، ژ بەرڤێ من ب ئەرکێ خوە دیت کو ب دوو شێوەیان دەست پێ بکەم ژ بو ژ ناڤبرنا ئەوان ، قوناغەکێ ھەموو پێگەە و پەیچ و ئاکاوتنێن وان ژناڤ ببەم کو ژێدەرێ بەلاڤکرنا وان شەرێ ئەلیکترونی یە ب تایبەتی ئەڤێن کو بناڤ و دەنگن ، قوناغا دوویێ دەست ژناڤبرنا ڤیدیویێن ترس و کوشتن و سەربرینێ بکەم کو ژلایێ وان ڤە ھاتینە بەلاڤکرن)
زێدەتر گۆت: ( ژ دەستپێکا ھاتنا داعش من ژی دەستپێکریە و ھەتا نھا بەردەوامم ، بەلێ پشتی کو داعش ل سنوورێن کوردستانێ نەمایی و حەشدا شیعی جھێ وان گرتی و ئەوان ژی ب ھەمان رەنگێ داعش دەست ب کوشتن و سفکاتی و خراپکرنا خانو و مالێن وەلاتیان و ھەرەشەیان بەرامبەر گەلێ کوردستانێ و سفکاتی ب پیروزیێن کوردستانێ مینا ئالایێ کوردستانێ کری ، من ب فەردیت ژ شەرێ داعش بەر ب شەرێ حەشد بچم ژبەرکو بو کوردان جوداھی دناڤبەرا داعش و حەشد نینە و ھەردوو دوژمنێن گەلێ کوردستانێ نە و یا ژوان بھێت دکەن)
بەرواری د درێژاھیا ئاخفتنێن خودا دیارکر ژی کو ئەوی ھەتا نھا ١٨٠ پێگەە و ئاکاوتنێن سەرەکیێن حەشد شەعبی ژناڤبرینە کو ھەرەشە ب پێشمەرگە و گەلێ کوردستانێ دکر و گۆت ژی: ( ئێک ژ وان پەیچێن کو گەلەک ھەرەشە ب رێیا لایفێ دکرن پەیچەک بوو بناڤێ “حەسەن پلایس ” کو گەلەک یێ ناسیار بو و کارتێکرن ژی لسەر دەروونێ خەلکی ھەبوویە ، ژ بەرڤێ من ب فەردیت کار لسەر بکەم و سوپاس بو خودێ شیام بگەھم ئەنجامەکێ و ژناڤ ببەم ، و من دڤێت بێژم ژی کو حەسەن پلایس مرۆڤەکێ ترسنوکە و یا وی تنێ ئاخافتنە و نکاریت ل پشت شاشان دەربکەڤیت )
شوان بەرواری قوتابیێ زانکویا دھۆکێ یە و ل سالا ١٩٩١ ژ دایک بوویە و ھەر ل دھوکێ ژی دژیت و نھا کار لسەر فێرکرنا گرۆپەکێ تایبەت یێ ژناڤبرنا پەیچ و ئاوتن و پێگەھێن دوژمنان دکەن و ھەماھەنگیەکا باش ژی ل گەل ئاسایشێ ھەیە
