شه‌رێ ناڤخوه‌ى د ناڤا گرۆپه‌كێ ئۆپۆزسيۆنا سوريا دا دروست بوو
ئه‌ڤرۆ نيوز، فاتما مزوورى:
ره‌وانگه‌ها سورى ژبۆ مافێن مرۆڤان به‌لاڤكريه كو چه‌كدارێن فه‌يله‌قا “الرحمن” يا كو پرانيا وان ژ گۆتا يا رۆژهه‌لاتێ شامێ بۆ عه‌فرينێ هاتينه ڤه‌گوهاستن، ره‌خنه ل سه‌ركردێن خوه گرتن كو گۆتا فرۆتيه و راده‌ستێ له‌شكرێ سوريێ كريه.
هه‌رديسان ره‌خنه ل سه‌ره‌ده‌ريا ل گه‌ل چه‌كدارێن ئۆپۆزسيۆنێ يێن ژبۆ عه‌فرينێ هاتينه ڤه‌گوهاستن دگرتن كو د ئه‌نجام دا شه‌ر د ناڤبه‌را چه‌كدارێن وێ كۆمێ دا روودا.
ب گۆره‌ى ره‌وانگه‌هێ، د ئه‌نجاما وى شه‌رى دا چو كه‌س بريندار نه‌بووينه، به‌لێ سه‌ركردێ فه‌يله‌قا “الرحمن” 35 چه‌كدارێن خوه ژ ناڤ فه‌يله‌قێ ده‌ركرن.
به‌رى نها پترى 35 هزار چه‌كدارێن ئۆپۆزسيۆنا سوريێ و مالباتێن وان د ئه‌نجامێ رێكه‌فتنه‌كێ دا ل گه‌ل حوكمه‌تا سوريێ، ژ ده‌ڤه‌رێن گۆتا يا رۆژهه‌لاتێ شامێ بۆ عه‌فرينێ هاتينه ڤه‌گوهاستن.