شه‌ر د ناڤبه‌را حزبا ديموكرات و سۆپايێ ئيرانێ دا روودا
ئه‌ڤرۆ نيوز، فاتما مزوورى:
شه‌ڤا ده‌ربازبوویی ل باژارێ پیرانشار ل رۆژهه‌لاتێ كوردستانێ شه‌ره‌كه گران دناڤبه‌را پێشمه‌رگه‌هێن حیزبا ده‌مۆكراتا كوردستانا ئیرانێ و سوپایێ پاسدارێن ئیرانێ چێبوو.
فه‌رمانده‌هێ هێزێن پێشمه‌رگه‌هێ كوردستانێ كو سه‌ر ب حیزبا ده‌مۆكراتا كوردستانا ئیرانێ یه داخویانیه‌ك به‌لاڤكر، د داخویانیێ ده هاتیه، شه‌ڤا ده‌رباسبوویی د درێژاهییا كارو چالاكی و برێڤه‌برنا ئه‌ركێن هێزێن پێشمه‌رگه‌هێن كوردستانێ كو مژولی جیبجی كرنا ئه‌ركێ خۆه بوون، ل چیایێن پشت زێوه و لاجانا كه‌ڤن یا سه‌ر ب پیرانشارێ ژبال هێزێن كۆمارا ئیسلامی یا ئیرانێ دكه‌ڤنه به‌ر ده‌سترێژا گۆله‌یان و شه‌رو په‌ڤچونێن گران چێبوون.
هه‌ر د داخویانیێ ده، هاتیه، پێشمه‌رگه‌هه‌كێ حیزبا حه‌دكا بناڤێ سامان حه‌سه‌نپور، ل ڤی باژاری شه‌هیدبووه و هه‌ژماره‌ك ژ هێزێن سوپایێ پاسدارێن ئیرانێ ژی هاتنه كوشتن و برینداركرن.
