شه‌ش شیره‌ت ژ بۆ ژیانه‌كا باشتر
ئه‌ڤرۆ، به‌رپه‌رێ ساخله‌میێ:
ره‌نگه تو گه‌له‌ك شیره‌تان ل ڤێرێ و ل وێراهه بخوینی، گوهداریا گه‌له‌ك كه‌سان بكه‌ی و شیره‌تا ژ گه‌له‌ك دایك و بابان وه‌ربگری، دبیت ئه‌كاوه‌نتێ ته یێ ئه‌لكترونی ژی گه‌له‌ك گۆتنێن كه‌سانێن ب ناڤ و ده‌نگ تێدا بن، ژبلی ئاخفتنان ل دۆر ژیانا رۆژانه، به‌لێ ئه‌م دێ شه‌ش كارۆبارێن سه‌ره‌كی بوته دیاركه‌ین، دێ ژیانا ته به‌ر ب باشتر به‌ن:
1- خوه ژ چ جوین و ته‌خێن جڤاكی جودا نه‌كه، هه‌ر كۆمه‌كێ ژ خه‌لكی هنده‌ك تشت هه‌نه كو گرێدای ژیانا وان یا رۆژانه‌نه، حه‌ز ژ وان ره‌فتارا دكه‌ن و ده‌مێ ئه‌نجام دده‌ن ئارام دبن، هه‌ر چ ۆتن و ره‌فتار وان هه‌بن هه‌ول بده خوه ل گه‌ل بگه‌نجینه و هێرشی وان نه‌كه، چونكو ئه‌وان باوه‌ری یا ژێرا هه‌ی و ژیانا خوه یا رۆژانه ب ئارامی دگه‌لدا دبورینن.
2- ژ كارۆبارێن خوه یێن رۆژانه فێرببه و شاشیێن خوه دوباره نه‌كه، گه‌له‌ك یا گرنگه هنده‌ك جارا د هنده‌ك كاران دا ب سه‌رنه‌كه‌ڤی و په‌شیمان ببی و پاش فێرببی كا چاوان دێ سه‌ره‌ده‌ریێ ل گه‌ل كه‌ی.
3- ده‌مێ ئێك ره‌خنێ ل ته دگریت خوه ژ توره‌بوونێ دوور بكه، چونكو نه هه‌ر كه‌سێ ڤییا ره‌ئیا خوه ب سه‌پینیت دڤێت ته پاشڤه‌ببه‌ت یان ته سڤك بكه‌ت.
4- هه‌ر تشتێ د به‌رژوه‌ندا ته‌دا نه‌بیت، هه‌ول نه‌ده مه‌زن بكه‌ی، هه‌ر تشتی ل نیڤێ بگره، چونكو مه‌زنكرنا بابه‌تا زیانێن خوه هه‌نه، هه‌كه تو دمه‌ترسیێ دا بی هه‌ول بده به‌رامبه‌ری خوه تێبگه‌هینه.
5- بلا ته باوه‌ری ب خوه هه‌بیت كو ته‌شیان یێن هه‌ین كارۆبارێن خوه یێن كه‌سایه‌تی ب رێڤه ببه‌ی، بزانه تو دشێی بتنێ بژی( مه‌ره‌ما مه ئه‌و نینه ب تنێ بی)، به‌لێ هه‌كه ته زانی ئێك یێ بتنێ یه و دایك، خووشك و برا، باب، هه‌ڤال، خوشڤی یێن خوه یێن ژده‌ستداین، هه‌ول بده دیاریه‌كێ پێشكێشی وی بكه و چاڤدێریا وی بكه و هاریكاربه دگه‌ل دا، ئه‌گه‌ران ژی بو دیارنه‌كه داكو تو هه‌ست ب ئارامیێ بكه‌ی و بزانه 99% كارۆبارێن ته یێن كه‌سایه‌تی گرێدای ئارامیا ده‌روونێ ته‌نه.
6- بو هه‌ر تشته‌كی باوه‌ریا خوه ب هه‌موو كه‌سان نه‌ئینه، په‌یوه‌ندیێن خوه ل گه‌ل كه‌سێ نه‌بڕه ژ ئه‌گه‌رێ نه‌باوه‌ریێ، بلا رۆژانه ته په‌یوه‌ندی ل گه‌ل هه‌بن و بلا ته هنده‌ك خالێن باوه‌ریێ هه‌بن ب كه‌سه‌كێ دیتر بو كارۆبارێن رۆژانه.
