شه‌ش پێشانگه‌ه ل نافخۆ و ده‌رڤه‌ی وه‌لاتی ڤه‌كرینه
خانكێ، دلڤین ره‌شید
شێوه‌كارا گه‌نج (مریه‌م مه‌روان) كو خه‌لكا قه‌زا شنگارێ یه، و نوكه ئاوه‌ریه، د دیداره‌كێ دا بۆ رۆژناما ئه‌ڤرۆ دیاركر كو به‌ری كاره‌ستا شنگارێ وێ به‌هره‌یا شێوه‌كاری هه‌بوو، لێ پشتی ئاوه‌ره‌بوونی پتر كارێ وێ هاته پێش، چونكو ریكخراوان گه‌له‌ك هاریكاریا وان كریه كو ئه‌و بشێن به‌هره‌یا خوه پێشڤه ببه‌ت وپتریا كه‌ڤالێن وێ ل دۆر كاره‌ساتا شنگارێ نه، ب تایبه‌ت ژی ئێش و ئازارێن وان كچ و ژنێن ئێزدی ئه‌وێن كه‌فتینه دده‌ستێ داعشێ دا. ناڤهاتیێ گۆت: من دڤێت ب رێیا ڤان كه‌ڤالان ده‌نگێ ئێش و ئازارێن كچ و ژنێن ئێزدی بگه‌هینمه هه‌موو خه‌لكێ جیهانێ، و هه‌تا نوكه ئه‌ز شیایمه شه‌ش پێشانگه‌هان ل نافخۆ و ده‌رڤه‌ی وه‌لاتی ڤه‌كه‌م و ئه‌م چ جاران نه‌شێین ڤی كاره‌ساتێ ژبیر بكه‌ین، ب تایبه‌ت ژی ره‌ڤاندنا كچ و ژنان، له‌وار ئه‌م دێ به‌ردوام و ب رێیێن جودا هاوار و گازیێن خوه گه‌هینین هه‌تا هه‌موو دهێنه رزگاركرن.
