شه‌هرام نازرى داهاتێ خۆ یێ ساله‌كێ ب زاڕۆیێن كوردان دبه‌خشیت
شه‌هرام نازرى هونه‌رمه‌ندێ كوردێ كه‌رمانشایى، ئاماده‌ییا خۆ دیار كر كو داهاتێ خۆ یێ سالا بهێت بۆ كچێن شیناڤا و ژماره‌یه‌كا نه‌خۆشێن دیتر دابینبكه‌ت. شه‌هرام نازرى هونه‌رمه‌ندێ به‌رنیاسێ ئیرانێ كو كورده و خه‌لكێ كه‌رمانشانا رۆژهه‌لاتێ كوردستانێ یه ب ده‌زگه‌هێن راگه‌هاندێ راگه‌هاندییه كو ب مه‌به‌ستا چاره‌سه‌ركرنا وان قوتابیێن كو ل ده‌مێ په‌قینا سۆپا قوتابخانه‌یا وان سووتینه و بوویه ئه‌گه‌رێ تێكچوونا چاڤ و ده‌ست و پشكه‌ك ژ له‌شێ وان و حوكمه‌تا ئیرانێ ژى وه‌كو پێدڤى هاریكارییا وان نه‌كریه، ژ به‌ر هندێ بڕیار دایه كو داهاتێ ئێك سال یێ كارێ داهاتى یێ خۆ بۆ ڤان قوتابیان و پشكه‌ك ژ نه‌خۆشێن دىتر یێن رۆژهه‌لاتا كوردستانێ دابینبكه‌ت. شه‌هرام نازرى، سالا بوورى به‌شه‌كێ زێده یێ داهاتێ خۆ بۆ ڤان قوتابییان دابیبكر كو كه‌سوكارێن وان راگه‌هاندبوو كو د شیانێن وان دا نینه ئه‌ركێ چاره‌سه‌ركرنا وان ب ستۆیێ خۆڤه بگرن، ژ به‌رهندێ ئه‌وى به‌شه‌ك ژ داهاتێ خۆ بۆ چاره‌سه‌ركرنا ڤان قوتابییان و به‌شه‌كێ دى ژى بۆ چاره‌سه‌ركرنا نه‌خۆشییا په‌نجه‌شێرێ یا هژماره‌كا زاڕۆیێ توشبوویێن كوردێن رۆژهه‌لاتى دابینكر. ل سالا 2012 ل قوتابخانه‌یا “پیرانشار”ێ كچێن گوندێ شیناڤا یا سه‌ر ب پارێزگه‌ها ئورمیه یا رۆژهه‌لاتێ كوردستانێ ب ئه‌گه‌رێ په‌قینا سۆپه‌یه‌كێ 38 قوتابى سۆتن و دو قوتابیان ژى گیانێ خۆ ژ ده‌ست دا. شه‌هرام نازرى گۆتژى “ ئه‌م هه‌موو مرۆڤین، بتنێ ئاوازا باش به‌س نینه، ژ به‌رهندێ پێدڤى یه مرۆڤبوون و هزرا جۆرى بكار بێخین و ئه‌ڤێ ژى د كۆمه‌لگه‌هى دا دێ كارێگه‌ریا خۆ ل سه‌ر هونه‌رمه‌ندێ هه‌بیت”.
