شههیدێ دكتۆر سلێمان خۆبهخش ژ ئهلمانیا هات دا د دیرۆكێ دا دژیت
دهمێ ههستا نهتهوهیی ل دهف مرۆڤی ههبیت و زۆلمهك بهێته سهرنهتهوهیێ مرۆڤی ب هیچ ئاوایهكی مرۆڤ نهشێت خوه بێدهنگ بكهت و دهستا داهێلیت و د ههوارا نهتهوهیێ خوه نهچیت، بێگومان مرۆڤێن نهتهوه پهرست نهوهكو مرۆڤێن حزبینه، كو ب تنێ ل دووڤ پهیرهو و پرۆگرامێ حزبا خوه بچیت، بهلكو كرۆڤێن نهتهوه پهرست نكاریت ل دووڤ پرۆگرامێ هیچ حزبهكێ بچیت، بهلكو ههردهم هزرا نهتهوهیی ل دهف وان یا خۆرته، ههروهكو مه دیتى پشتى كو دكتۆر سلێمان كو خهلكێ باكووره و ل ئهلمانیا یێ ئاكنجی بوو زانی مهترسی ل سهر ههرێما كوردسانێ ههیه ئێكسهر و بێی دودلی بریار دا ژ ئهلمانیا بهرێ خوه بدهته كوردستانا باشوور و وهكو پێشمهرگهكێ خۆبهخش بهرهڤانیێ ژ ئاخا كوردستانێ بكهت، چونكی وی شارهزایی د وارێ ههلگرتنا مینان دا ههبوو و دهمێ هاتى ژبلی كو ب چهكێ خوه بهرهڤانی كری ب كارێ راكرن و ژكارخستنا مینان رابوو و گیانێ ب هزاران پێشمهرگههان ژ مرنێ رزگار كریه و ل زۆربهی سهنگهران رۆلهكێ قارهمانی دیار كریه، لێ مخابن فهلهك خائین بوو و د چالاكیهكێ دا ب گرانی بریندار دبیت و ئێكسهر ڤهدگوهێزنه ههولێرێ و پاشی ههر ژ بۆ چارهسهریێ بۆ ئهلمانیا هاته شاندن، لێ مخابن گیانێ پاكێ شههیدی دفریته ئاسمانێ نهمریێ و ژ ئهلمانیا ئانینه كوردستانێ و خهلكێ باشوور ب دلهكێ پری كول و كۆڤان و كهسهر ههر ژ بالهفرگهها ههولێرێ و ههتا خالا گومركا سنووری ل سهر جادا و ب بلند كرنا وێنێن شههیدی پێشوازی و خاتر خواستن ژ شههیدی هاتهكرن و ب چاڤێن پڕی رۆندك و شههید بهرهف وارێ باب و كالان هاته ب رێكرن و ل رهخێ ههر دو برایێن خوه یێن شههید هاته ڤهشارتن.
شههیدی خوه گۆری كوردستانێ كری، شاخ و داخ و دۆل و نهوال و شالول بلبلێن كوردستانێ ئاوازێن شههیدا ساز كرن و بۆ قارهمانیا شههدی ب رێزكرن و شههیدی سلاڤ ل سهید رزایێ دێرسمی و شێخ سهعیدێ پیران و ئیحسان نوری پاشا كرن و مزگینیا ئازادبوونا كوردستانێ كو نێزیكه گههاند و گۆته وان ئهڤه من سۆزا خوه بجه ئانی و ئاخا كوردستانێ ب خوینا خوه ئاڤ دا و نێزیكه دێ بینه دهولهت و كوردستان ئێك پارچهیه و وهكی شههید سمكۆ ئامێدی بهری شههید ببیت گۆتی: ( خوینا شههیدا خوناڤه.. ب دۆل و نهوال و چیا ڤه.. كوردستانا پێ خنێ یه.. گهلۆ ئهم چ بكهین بۆ شههیدێ خوه .. پهیكهرهكێ زێری چێ كهین.. ژ ههژی ڤینه و هێشتا پتر.. ژ ههژی ڤینه و هێشتا پتر). هزار سلاڤ ل گیانێ پاكێ بلندفرێ تهڤایا شههیدێن رزگاریخوازا مرۆڤاتیێ و كوردستانێ.
