شه‌ڕێ نهێنی د ناڤبه‌را ریالێ و به‌رشه‌لۆنا دا ده‌ستپێكر
ئه‌ڤرۆ،
بۆ ماوێ حه‌فتیه‌كه دناڤ تۆرێن چڤاكی و رۆژنامێن ئسپانی و ئۆرۆپایێ دا داخویانیێن جودا دناڤبه‌را به‌رپرس و یاریزانێن هه‌ردو یانێن به‌رشه‌لۆنا و ریال مه‌درید یێن ئسپانی دهێنه به‌لاڤكرن و شه‌ڕێ نهێنی په‌یدایوویه ل سه‌ر ده‌ستڤه ئینانا ستێرا جیهانی یێ نه‌رویجی و یانا برۆسیا دۆرتمۆند یا ئه‌لمانی ئیرلنگ هالان دهێته كرن.
به‌رپرسێن یانا به‌رشه‌لۆنا یا ئسپانی دووباره ڤه‌گه‌ڕیانه بابه‌تێ ئینانا یاریزانێ نه‌رویجی و یانا برۆسیا دۆرتمۆند یا ئه‌لمانی ئیرلینگ هالاند بۆ ناڤ رێزێن تیما خوه گه‌رم كریه و پێنگاڤا ئێكێ په‌یوه‌ندی ب بریكارێ یاریزانی كریه ئه‌وێ دێ گرێبه‌ستا وی ل دووماهیا خزیرانا 2024ێ بدووماهی هێت لێ لدووڤ مه‌رجه‌كی دشێت هه‌رده‌مێ بڤێت بچیت هه‌مبه‌ری كۆژمێ 75 ملیۆن یۆرۆیان.
لدووڤ رۆژناما مۆندۆ دیبورتیڤۆ یا ئسپانی دیاركر به‌رپه‌رسێن یانا كاته‌لۆنی نامه‌كا په‌یوه‌ندیێ بۆ مینۆ رایولا بریكارێ ستێرا نه‌رویجی هالاندی فرێكریه كو به‌رهه‌ڤن بۆ ئینانا یاریزانێ ناڤهاتی بۆ ناڤ رێزێن تیما خوه و رژدن بۆ دووماهیا ڤه‌گۆهاستنێن هاڤینێ بابه‌تێ وی ئێكلاكه‌ت پشتی رازیبوونا ده‌ستپێكێ ژ یاریزانێ بۆله‌ندی و یانا بایرن میویخ یا ئه‌لمانی روبێرت لیڤاندۆڤێسكی وه‌رگرتی.
لێ هه‌ڤڕكا وێ یا ئسپانیا هاتیه دناڤ بابه‌تی دا ئه‌وا لدووڤ رۆژناما ماركا یا ئسپانی دیاركر ریال مه‌درید گرێبه‌سته‌كا گران بۆها بۆ ستێرا نه‌رویجی ئیرلینگ هالاند به‌رهه‌ڤكریه كو دهاڤینا بهێت دا بێ دو دلی رازیبیت ئه‌وژی بۆ ماوێ شه‌ش سالان ب گرێبه‌سته‌كا ئازاد كو هالان دێ سالانه 20 بۆ 25 ملیۆن یۆرۆیا وه‌رگریت، هه‌مبه‌ری وێ ل شوونا 75 ملیۆن یۆرۆیا ریال مه‌درید به‌رهه‌ڤه 100 ملیۆن یۆرۆیا بده‌ته برۆسیا دۆرتموند، دیسان 40 ملیۆن یۆرۆیا وه‌كو پاداشت بۆ بریكارێ یاریزانێ ناڤهاتی مینو رایۆلا پێخه‌مه‌ت گرێبه‌ستێ بۆ یانا شاهان ب دووماهی بینت.
هه‌رچه‌نده بابه‌تێ مپابی ژی ئێك ژ گه‌رمه نووچه‌یێن وه‌رزشی یه ل جیهانێ دناڤبه‌را هه‌ردو یانا دا، لێ داخویانیا به‌رپرسێن پاریس سانجێرمانا فه‌رنسی دیاركه‌ن كو دبیت مپابی گرێبه‌ستا خوه بۆ چار سالێن دی نوو بكه‌ت پشتی دانا كاپتنێ تیمێ پێشكێشی وی كری.
