شه‌ڤێن زیز و ڕۆژێن وه‌ریای
نایف محمود
ژ مێژه..
بیابانێ
خوه دهه‌مبێزا خه‌مێن من
یێن وه‌رپێچای دا
دورپێچ كری
تاڤیێن خوه یێن ئاواره
لێڤێن من یێن قه‌شاڤی
ژ خۆناڤا سحاریان شل كری
هه‌وران پێلێن خوه
كرینه گه‌لواز و
سینگێ من یێ به‌یار
بوهارا خوه لێ شین كری
ژ مێژه…
شه‌ڤ ژمن زیز بووین
هه‌یڤ و ستێران
خاتر خاستی و غه‌واره‌بوین
خه‌ونێن ئاشۆپی
ته‌ڤلی ده‌ریا بێ ئومێدیێ بووین
ته‌مه‌نێ من
یێ دبیته پرته‌ك ژ ڕۆژه‌كا تاری
شه‌ڤه‌ك حه‌سره‌تا
كه‌لواشێ من هه‌می خاری
قه‌رقوده‌یه‌كێ پیر و دامای
بوینه دیل و
ده‌شت و چیا ده‌ر به‌ده‌ربووین
ڕۆژێن من یێن بوینه پاویز
زڤستانه‌كا سار و خیس
داره‌كا ته‌ڤ
ژ به‌لگا وه‌ریای.
