شه‌ڤ و باژێرێ من
ئه‌لند مزووری
پێشكێشه بۆ باژێرێ من یێ بریندار و وه‌ك وه‌فاداریه‌ك بۆ گیانێ شه‌هیدێن بوویه‌را ته‌قینا سیسته‌مێ غازی
باژێرێ من
شه‌ڤێ
دبێده‌نكی وئارامیا خوه دا
گڕنژینێن ته ژ ته دزین
دتاری و ره‌شاتیا خوه دا
ل ته ره‌ڤاندن گه‌له‌ك هیڤی و
خه‌وا شرین.
رووبارێن دهه‌مبێزا ته دا
ژێ هه‌ركین
ئێكی رۆندك
یێ دی ژێ خوین
ژ جه‌رگێ ته
هات هه‌واره‌ك
تژی نالین
كێلیا فرعینی و شه‌دایێ
ڤه‌جنقین
كو ڤێ شه‌ڤی
ل سه‌ر برینا
جاره‌كا دی
كۆلان برین.
