شه‌ڤ و ڕه‌ڤ
له‌زگین گراڤی
شه‌ڤه شه‌ڤه
ل ڤی واری ڕه‌ڤه ڕه‌ڤه
شه‌ڤ و ڕه‌ڤه
ل وارێ من هنده ساله
كار هه‌ر ڕه‌ڤه.
ل ڤی واری.. ژ مێژوه‌ره
ئه‌م ب هه‌ڤڕا..
بووین پرسگرێك!
خوه ناكین ئێك
نینن چو ڕێك.
ئه‌م ب هه‌ڤڕه
ژ مێژوه‌ره هۆ به‌رهه‌ڤین
ل كۆمبوونان ل مێزگه‌ردان
نۆژه‌ن بكین دوباره بكین
جاره‌ك دی مه
ب هه‌ڤڕا شه‌ڕه.
ب چه‌ك و گه‌ڤ
مه خوه كوژی یه و..
شه‌ڕه ده‌ڤ
كارێ مه كوردان..
بوویه ئه‌ڤ.
شه‌ڤه.. شه‌ڤه
ڕه‌ڤه.. ڕه‌ڤه
سه‌ربوڕ و وانه..
بوون ئه‌ڤه.
هێزێن تیڕۆڕ..
ل دۆرێن مه
دوژمنێن باب و كالێن مه
ئه‌ڤڕۆكه ژی..
دوژمنێن مه
ژ مه ناگه‌رهن
هێش بن ده‌ستن
گوند و شار و.. چیایێن مه
هێش نه‌دیارن..
كه‌چ و لاو و..
دایك و پیر و كالێن مه
هێش دپرسین..
هێش دترسین
ژ كۆمكوژێن.. وان تاوانان و..
ئه‌نفالان
ل وارێ مه
ئه‌رێ گه‌ل و..
ما نه‌به‌سه ل ڤی واری
مه ب هه‌ڤڕه هێشتا شه‌ڕه؟
هێشتا ڕه‌ڤه و..
كار بوو ئه‌ڤه!
شه‌ڕۆ و ڕه‌ڤه.
