شه‌یما ره‌مه‌زان: راهێنه‌رێن ئافره‌ت پتر پێدڤی ب خولێن بهێزكرنێ نه
مووسا خالد:
د دیدارەکێ دا شەیما رەمەزان راهێنەران لەشجوانیێ بۆ رۆژناما ئەڤرۆ دیارکر ئه‌ڤه بوو ماوه‌یێ دو ساله وه‌كو راهێنه‌را هێزا جه‌سته‌یی و باوه‌رنامه‌یا جورێ سی یا باوه‌رپێكری وه‌رگرییه و پشكداری چه‌ندین خولێن راهێنانێ بوویمه و د نوكه دا راهێنه‌را چه‌ندین یاریزانێن ئافره‌تانم پێنه‌ڤێت ده‌ستپێكا من بۆ ڤی كاری ژبه‌ر ڤیانا من بۆ وه‌رزشێ بوویه و پشته‌ڤانییا خێزانا من بوو ئه‌وێن دبنه‌رت دا وه‌رزشڤان بووینه.
هه‌روه‌سان ناڤهاتی گۆت: هه‌رچه‌نده ب گشتی پرانییا ئافره‌تان ژبه‌ر كێمكرنا كێشا لاشێ خوه و هه‌نه ژی حه‌زا وه‌رزشێ وه‌كو یاریزان، بێ گومان چ خەلەتێ و شەرم د وێ چەندێ دا نینە ئافرەت سەرەدانا ھولێن لەشجوانیێ بکەت ژبۆساخلەمی و تەندروستیەکا باشتر ولەشەکی بھێز و سڤک دەستخوڤە بینیت، ئەگەرێ پشته‌ڤانی بۆ یاریزانا ئافره‌ت هه‌بیت ئافرەت پتر حەز و ڤیان بۆ پەیداکریه ببنە راھینەرێن ژێھاتی دبواری خودا، ب شێوەیەکێ گشتی ل ھەرێما کوردستانێ راھێنەرین ئافرەت کێمترن ژ یێن زەلام لێ ئافرەت ب ھێچ شێوەیەکێ ژ زەلامێ کیمتر نینە و ماف و شیانێن ھەین ببنە راھێنەرێن سەرکەفتی، گەلەگ باشترە ئەوێن شنی دبێنە راھێنەر پتر دیڤچوون لسەر کارێ وان بهێتەکرن و فیدراسیۆنا لەشجوانیێ پێشتەڤان بیت ئەو بەرڤ خولانڤە بچن دا باشتر دبواری خودا شارەزابن،
نافهاتی زێدتر گۆت: سه‌ره‌رایی گەلەک خێزان دجڤاکێ مەدا ھەنە پشتەڤان و باوەری دایە ئافرەتێ بەرب هولێن لەشجوانێڤە بهێن و راھێنان ئەنجام بدەن، لێ بەرۆڤاژی خێزان هەنە وی مافی نادەن ئافرەتی ژبەرکۆ زورتر جڤاکێ عەشیرەتگێری یە و گەلەگ ژوان یاریزانان بۆ چارەسەریێ سەرەدانا ھولان دکەن، هه‌روه‌سان هندەك یاریزان هەنه حەز دكه‌ن ببنه راهینەر، له‌وما داخوازیێ ژ فیدراسیۆنا لەشجوانیێ یا پاریزگەھا دهوکێ ب شیوەیەکی بەردەوام دخزمەتا یاریزانێن ئافرەت بكه‌ن و پتر خولێن بھیزبوونێ بھێنە ڤەکرن و به‌ر ب خولێن نێڤدەولەتی بچن، بشێوەیەکێ گشتی فیدراسیۆنا لەشجوانیێ ھاریکارن دگەل مەدا.
