شووشەیا شکەستی
ڕۆژا مزووری
ئەی بەیبوونا دێم بەفرین
دل بخوینا دەست ڕەنگین
ئەز و تو ئێک دلۆپین
خودانا ناڤێ شرین
ئەورەک ڕەش وشێت و مەست
ژ نیشكەكێ ڤە دل گەزت
دێمێ بەفرین ما بێ هەست
شووشەیا دلێ مە شکەست
ژیانێ تو خاپاندی
ژ كەنی ڤەڕەڤاندی
دل ب ڤین ئازراندی
ب گریڤە نڤاندی
ژ مرییێن لەش ساخی!
نالین یا كەتی ناخی
ل وارێ بێ مرادان
پەشێمان و ب داخی
شاد نەبووین ب بهاران
ژڤان مرن وەك جاران
ل زستان و ئاداران
بێ گول و ئەو بەیبوون مان
گەنگی دێ جارەكا دی
ئەی كوترا من دادی
نێ گەر ئەم نەگەهین ئێك
هەر ئەڤەیە بێ دادی
