شوونوارێ ئامێدیێ پێدڤی ب چاڤدێری و سهخبێریكرنێ نه
ئامێدیێ، مهحمود نهێلی
زێدهباری وێ یهكێ ئامێدیێ ئێكه ژ دهڤهرێن پترین جهێن شوونواری لێ ههی و باژارهكێ ههری كهڤن و دیرۆكی و شوونواری یه، لێ تا نها چ رێڤهبهریهك یان ژی فهرمانگهههكا گرێدایی ب شوونواران لێ نینه.
موراد محهمهد ئامێدی ئێك ژ رهوشهنبیر و ئاكنجیێن سهنتهرێ دهڤهرداریا ئامێدیێ بۆ ئهڤرۆ دیاركر، مخابن ههتا نوكه چ فهرمانگهههكا شوونواری ل دهڤهرێ نینه و گۆت: ههبوونا فهرمانگهههنهكا شوونواری ل دهڤهرا ئامێدیێ ئێكه ژ كارێن فهر و پێدڤی ب كار كرنێ ههیه ل سهر، چونكه زێدهباری وێ یهكێ ئامێدیێ هژمارهكا زۆرا جهێن شوونواری ههیه و كهڤنترین قوتابخانه و زانینگهه ژی ل ئامێدیێ بووینه و سهدان سالان خزمهتا زانست و زانینێ كریه ل دهڤهرێ.
سهردار حاجی، وهك شوونوارناسهك دبێژیت: ههبوونا فهرمانگهههكێ ب ناڤێ شوونواران ل دهڤهرا ئامێدیێ دێ گهلهك ژ كاروبارێن گرێدایی ب شوونواران ڤه ب ساناهی تر لێ كهت، ب تایبهتی ژی سهرهدانكرنا شاندێن بیانی بۆ دهڤهرێ و بابهتێ نووژهنكرنا ڤان جهان و خوه ههتا پاراستن و گرنگیدان و كاروبارێن گرێدایی ب راگههاندنێ ژی ههبوونا فهرمانگههێ دێ كارتێكرنا خوه یا باش ههبیت.
ههیوار ئامێدی، نوونهرێ رێڤهبهریا شوونواران ل ئامێدیێ بۆ رۆژناما ئهڤرۆ دیار كر، راسته ڤهكرنا رێڤهبهریهكا شوونواری ل دهڤهرداریا ئامێدیێ كارهكێ گهلهك فهره و ل سالا 2012 مه بزاڤ كرینه بۆ ڤهكرنا رێڤهبهریهكێ نهك فهرمانگهههكێ، چونكه دهڤهرا ئامێدیێ ب دهڤهرهكا شوونواری دهێته نیاسین و دهمێ ئهم دبێژین شوونوار، دهڤهرا ئامێدیێ دهێته پێشچاڤێن مه و گۆت: هژمارهكا زۆرا دهرچوویێن كولیژا شوونواران ل دهڤهرێ ههنه و ههكه رێڤهبهریهك ب ڤی رهنگی ل دهڤهرێ ههبیت، دێ ئهو ژی شێن رۆلهكی باش تێدا گێرن.
و دیار كر، ههبوونا شهرێ پهكهكێ و لهشكهرێ توركیا ل دهڤهرێ گهلهك كارتێكرن ل جهێن شوونواری كریه و بوویه ئهگهرێ ژ ناڤچوونا هژمارهكا زۆرا جهێن شوونواری.
