شڤان جه‌میل: نه‌وروز ئاسته‌نگا ئێكێ یه دڤێت سه‌ركه‌فتیانه ده‌رباز بكه‌ین
ئه‌ڤرۆ، عه‌لی حاجی:
د داخویانیه‌كێدا یاریزانێ تیما ته‌پا پێی یا یانا زاخۆ ئه‌وا پشكدار د خولا پلا نایابا ئیراقێ دا دیاركر یاریا وان یا ئه‌ڤرۆ ل گه‌ل یانا نه‌روروز ژ چارچووڤێ هه‌ڤڕكیێن گه‌ڕا 20ێ و ده‌ستپێكا قۆناغا دویێ تاقیكرنه‌كا نوونه پشتی بۆ ماوێ سێ حه‌فتیان خول هاتیه راوه‌ستاندن و بۆ ئارمانجا خوه یا سه‌ركه‌فتنان نا راوه‌ستیێن،
زێده‌تر شڤان جه‌میل بۆ رۆژناما ئه‌ڤرۆ گوت: هه‌رچه‌نده یاریا ئێكێ ژ قۆناغا دویێ گه‌له‌ك ب زه‌حمه‌ته و ئاسته‌نگا ئێكێ یه ژبه‌ركو هه‌موو یانه بۆ ڤێ قۆناغێ گوهۆڕینان په‌یدا دكه‌ن تایبه‌ت سه‌ر ئاستێ ئینان و دوورخستنا یاریزانان و پلان د هێنه گوهۆڕین و هه‌موو تیم كار بۆ سه‌ركه‌فتنان دكه‌ن ژبه‌ركو ده‌ستدانا هه‌ر خاله‌كێ قه‌ره‌بوو نینه، له‌ورا وه‌كو یانا زاخۆ ژی ژبۆ باشترین به‌رهه‌ڤه مه كه‌مپه‌كێ راهێنانێ دانابوو و پێنگاڤێن باش هاتینه هاڤێتن، یاریا ئه‌ڤرۆ ل گه‌ل نه‌وروز تاقیكرنه‌كا نوو یه به‌ره ب هه‌ڤڕكیێن رێزێن پێشیێ، یا نه پێشبینی كری یانا نه‌وروز یاریگه‌ها خوه ژ یا چیمه‌نێ فریزه‌یی بۆ تارتانێ ده‌ستكرد گوهۆڕیه ئه‌وچه‌نده ژی دێ كارتیكرنا خوه هه‌بیت ژبه‌ركو ئه‌ڤه دو ساله مه یاری ل یاریگه‌هێن تارتان نه كرینه لێ هه‌موو یاریزان رژدن و خوه ل سه‌ر ڤێ یاریگه‌هێ ب گۆنجینن پێخه‌مه‌ت سه‌ركه‌فتنێ و ده‌ستپێكه‌كا دی یا هه‌ڤڕكیان.
ژلایه‌كێ دووڤه ناڤهاتی ئه‌وچه‌نده ژی دیاركر ئه‌و پلانێن د كه‌مپێ راهێنانێ دا هاتینه دانان تایبه‌ت ل هه‌ولێرا پایته‌خت هه‌ماهنگیه‌كا باش دناڤبه‌را یاریزانان و راهێنه‌ری په‌یداكریه ژوانا لایه‌نێ تێكگه‌هشتنێ و بجهئینانا ئامۆژكاری و نه‌خشێ راهێنه‌ری و ئه‌م رژدین بۆ سێ خالێن یاریێ و باشترین ئاست ژبه‌ركو مه هیڤیێن مه‌زن هه‌نه بۆ هه‌ڤڕكیا رێزێن ئێكێ بكه‌ین.
تیما یانا زاخۆ ئه‌وا ب 30 خالان رێزا شه‌شێ دهێت و نه‌وروز ب 17 خالان رێزا 17ێ یه، ئه‌ڤرۆ ل ده‌مژمێر 1:30 كوڕێن خابیری دێ ل یاریگه‌ها پێشمه‌رگه ل باژێرێ سلێمانیێ بنه مێڤانێن یانا نه‌وروز.
