شڤان عه‌بدی: ئازراندنا بابه‌تێن بێی به‌لگه بتنێ مه‌ره‌مێن كه‌سۆكی نه
ئه‌ڤرۆ، عه‌لی حاجی:
د داخویانیه‌كێدا ئه‌ندامێ ده‌سته‌كا كارگێریا یانا زاخۆ بۆ رۆژناما ئه‌ڤرۆ دیاركر كو چو سكالا ل سه‌ر یانێ نا هاتینه تۆماركرن و ئازراندنا بابه‌تێن بڤی ره‌نگی بێی به‌لگه بتنێ بۆ مه‌ره‌مێن خوه یێن كه‌سۆكی كو هنده‌كا ئازراندینه و ئه‌م دێ به‌رده‌وامین ل سه‌ر به‌رهه‌ڤیێن خوه.
زێده‌تر شڤان عه‌بدی گۆت: ئه‌و گۆتگۆتێن هاتینه به‌لاڤكرن كو راهێنه‌رێ به‌رێ یێ تیما ته‌پاپێی یا یانا زاخۆ د خولا ئیراقێ دا یێ لیبی عه‌بدولحه‌فیز ئاربیش سكالا ل سه‌ر یانێ تۆماركرین ئه‌م ڕه‌دكه‌ین و چو راستی بوو نینه، هه‌رچه‌نده كۆژمه‌كێ كێم یێ پاره‌یی ل ده‌ڤ یانێ مابوون كو كێمترن ژ دو هزار دولارانه ئه‌وی ب رازه‌مه‌ندیا خوه بۆ یانێ هێلاینه هه‌تا مه شیان هه‌بن ئه‌م بوو فرێكه‌ین و به‌لگه‌یێن پێدڤی ل به‌رده‌ستێ مه هه‌نه بۆ راستیا ڤێ چه‌ندێ، لێ هه‌كه ژ نشكه‌كێ ڤه سكالا ژی تۆماركر بكه‌ت ئه‌و دێ زێده‌تری پاره‌یی مایی ل ده‌ڤ مه خه‌رجكه‌ت هه‌تا بشێت سكالا خوه برێڤه‌ببه‌ت لێ راهێنه‌ری چو پێنگاڤێن به‌رچاڤ و فه‌رمی نه هاڤێتینه لێ هه‌ر لڤینه‌ك هه‌بیت دێ یانا زاخۆ هێته ئاگه‌هداركرن و مه ژی دێ پێرابوونێن خوه هه‌بن بشێوێن فه‌رمی و به‌لگه.
ژلایه‌كێ دیڤه ناڤهاتی دیاركر كو ل سه‌ر هه‌مان بابه‌ت لێ یاریزانێ ئه‌فریقیا ئێدریسا تراوری هه‌موو مافێ خوه یێ دارایی وه‌رگرتیه و چو كێشه ل گه‌ل یانا زاخۆ نینن و مه نڤێسارێن فه‌رمی ب ئیمزا هه‌ردو لایان هه‌نه، ئه‌وی یاریزانی ئاریشا ل گه‌ل بریكارێ خوه یێ هه‌یی كو مه چو په‌یوه‌ندی پێڤه نینه له‌ورا ئه‌وێن ڤان بابه‌تان ب ئازرینن بێی به‌لگه بتنێ بوو مه‌ره‌مێن خوه یێن كه‌سۆكی نه و بلا پشت راست بن ئه‌م دێ به‌رده‌وامین ل سه‌ر راهێنانێن خوه بۆ باشترین به‌رهه‌ڤی و هه‌روه‌سان یا د شیان دابیت هه‌ڤڕكیێ بكه‌ن لدویڤ كاودانێن دارایی.
