شڤان لەزگین: ل شوونا دەستخووشیان جهێن پەیوەندیدار ل دهۆكێ ژ من دلگران بووینە
هەرهین محەمەد:
داخویانیەكێ دا شڤان لەزگین دادڤانێ كورد یێ جیهانی د یارییا تایكواندۆیێ دا بۆ رۆژنامەیا ئەڤرۆ دیاركر بەری چەند رۆژان پشكداری قارەمانیا ئاسیا ئۆپێن بووم ل ئیسلام ئابات پایتەخێ وەلاتێ پاكستان و ب سەرپەرشتیا فیدراسیۆنێن ئاسیا و جیهانی هاتیە بڕێڤەبرن و ئەو قارەمانیە بۆ دەمێ پێنچ رۆژان بەردەوام بوو و د هەمان قارەمانی دا هاتمە هەلبژارتن و ئێكەم جار كوردەكێ كوردستانا ئیراقی بشێت ب ئەدائەكا باش پشكداری قارەمانیەكا ل وەلاتێ ئوردن كەم.
زێدەتر ناڤهاتی گۆت: ئەز دادڤانەكێ نیڤدەولەتی مە و گرێدای فیدراسیۆنا جیهانی و هەر قارەمانیەكا نێڤدەولەتی یا فەرمی بهێتە ئەنجامدان نەشێم دەستووریێ ژ هەمی جهێن پەیوەندیدار وەربگرم هەتا كو پشكداری ئەوێ قارەمانیێ بم و فیدراسیۆنا ئاسیا بۆ من داخاز نامە هنارت بۆ قارەمانیا ئاسیا ل پاكسانێ یا قارەمانیا ئاسیا ئۆپێن و نوكە گەلەك جهێن شولەژی ژ من دلماینە چنكو من دەستووری ژ ئەوان نەخواستیە ژ بۆ پشكداریا من د ئەڤان قارەمانیان دا، لێ ئەز نە گرێدای ئەوانم هەتا كو دلێ خوە بهێلن و نوكە ئەز ئەندامم د فیدراسیۆنا ئیراقێ دا وەكو دادڤان و گرێدی فیدراسیۆنا ئاسیا مە و سەرۆكێ دادڤانێ ئاسیا دێ بۆ من داخازیێ فرێكەت بۆ هەر چالاكییەكا نێڤدەولەتی من دو قارەمانی ل ئوردن كرن كیروكی و پارا و ئەڤە ئێكەم جارە كوردەكێ ئیراقی دشێت قارەمانیا نێڤدەولەتی یا پارا دادڤانیێ بكەت و ئێكەم جارە دقارەمانیەكێ دا سەرۆكێ دادڤانێن ئاسیا یێ رەكەز كوری من دهەلبژێریت بۆ قارەمانیەكێ ل وەلاتێ ئوردن
هەروەسان شڤان لەزگین گۆت: ب لێبورین ڤە ئەو جهێن پەیوەندیدار یێن خوە تۆرەكرین دێ خەلاتان ل سەر وەزشڤانان دابەشكەن و من داخاز ناكەن، چونكو من دەستووری ژ ئەوان نە خواستیە دەمێ پشكداری قارەمانێن دەرڤەیی وەلاتی دبم و گرنگە ئەو شانازیێ ب من ببەن گەنجەكێ كورێ سێمێلێ بگەهیتە ئەڤی ئاستێ بلند، ئەز پێدڤی دەستخوەشی و سوپاسیان نینم كو گەهشتیمە ئەڤی ئاستی و نوكە پێدڤی پشتەڤانیەكا بهێز یا مادی و مەعنەوی مە كو جهێن بلند پشتەڤانیێ ل من بكەن، چونكو ل ئاستەكێ بلند كاردكەم، لێ نزانم بۆچی سەرەدەریەكا دروست دگەل من ناكەن وەكو دادڤانەكێ كورد یێ جیهانی و ئەڤە نە بۆ جارا ئێكێ یە ئەو جهە خوە ژ من دلگران دكەن.
