شۆره‌شا 26 گولانێ دوژمن و پێلانگێرێن گه‌لێ كورد سه‌ر شۆركرن
ئه‌ڤا هه‌نێ دیاربوو هه‌لكرنا چرایێ شۆره‌شا 26 گولانێ بوویه په‌یاما پشتراستی بۆ گه‌لێ مه زڤڕاند و به‌رسڤك بۆ ئه‌وان كه‌دخوار و پیلانگێرێ كو د ووری بنه‌مایێن مرۆڤاتیێ كو راستیا خوه‌راگری و ئیرادا گه‌لێ كورد هاته زانین، هه‌ر وه‌سا ئاماژه‌یه‌ك بۆ ته‌ڤایا دوژمن و نه‌حه‌زان كو چه‌ند فشار و گڤاشتنێن خوه بكه‌ن، چو جارا نه‌شێن ئیراده و باوه‌ریا گه‌لێ مه بگوهۆرن و بشكێنن داكو ژ خواست و ئارمانجێن وی دوور بكه‌ت و ژ ئالیه‌كێ دیڤه لێدانا زه‌نگا شۆره‌شا گولانێ دلخۆشكه‌ره‌ك بوویه ل سه‌ر ئه‌وێ خه‌ونا د دلێ گه‌لێ مه دا مری، ساخ بكه‌ن و ببیته راستی ژ به‌ر كو دوژمنان ب شكاندنا شۆره‌شا ئیلۆنێ وه‌سا نیشا گه‌لێ مه دا بوو، كو ئێدی ئه‌و هێڤیێن چاڤه‌رێكری بۆ هه‌بوون و ئازادیا گه‌لێ كورد چو ساخ نابنه ڤه، به‌لێ ڤیان و باوه‌ریا ملله‌تێ كورد ل سه‌ر پێناسه و نیشتیمانا وی چو جاران بێئومێد ل ده‌ف په‌یدا نه‌بوو، چونكو هێز و شیانێن گه‌لێ مه ببوونه پالده‌رێ وێ چه‌ندێ جاره‌كا دی رۆژێن نوو بۆ هه‌لكه‌ڤن بۆ هندێ به‌رده‌وامێ ب خه‌بات و قوربانێدانێ بده‌ن ژ پێخه‌مه‌تی سه‌روه‌ری و گه‌هشتنا وان ئارمانجێن خوه یێن بۆ هاتینه رێتن، بێگومان به‌رپابوونا شۆره‌شا 26 گولانێ ل 26/5/1976 ژ نشكه‌كێ ڤه هاته راگه‌هاندن، له‌ورا هه‌می سازیێن نێڤده‌وله‌تی ب گشتی و ده‌وله‌تێن هه‌رێمی و عێراقی دایه‌هه‌ژاند بۆ هندی كو بزانن گه‌لێ كورد د هه‌ر كاودانه‌كی دژوار و نه‌هاریكار دا بیت دێ شێن ئه‌وان چه‌په‌رێ زۆرداری بشكێنن، له‌وا د ده‌مه‌كێ كێم دا شیا ڤێ شۆره‌شا گولانێ راگه‌هنیت و ل گه‌ل ڤێ ژی پشتراستیه‌ك دایه ئه‌وی كاروانێ هێڤین گه‌لێ مه پێڤه هه‌ین مسۆگه‌ر بكه‌ن و هاتنا شۆره‌شا گولانێ بۆ گۆره‌پانا سیاسی ل كوردستانێ ئه‌كید ده‌نگڤه‌دانا خوه ل سه‌ر ئاستێ نێڤده‌وله‌تی ب گشتی و ده‌وروبه‌ر و ده‌ڤه‌رێ ب تایبه‌تی كرن، چونكو ژهه‌می ئالیه‌كی ڤه حازری تێدا هاتبن كرن ژ به‌ر كو هه‌ر چ كێماسی و تێبینیه‌ك ل سه‌ر شۆره‌شا ئیلۆنێ هه‌بوویه ب ئاوایه‌كێ ڤه‌كری دانپێدان و ره‌خنه‌ێن خوه دیاركرن و دانه راستڤه‌كرن و شۆره‌ش ل سه‌ر بنگه‌هه‌كێ تێگه‌هشتن و زانینی هاته درستكرن و شۆره‌شه‌كا سه‌رده‌م و بیروباوه‌ر ژ ئه‌زمۆنێن شۆره‌شێن جیهانێ بوویه، ژ بۆ سه‌ركه‌فتنا شۆره‌شا گولانێ هاتن په‌یروكرن و ل ل گه‌ل ڤێ ژی كه‌سێن بسپۆر و لێهاتی دوارێن جودا جودا بوونه شوره‌شگێر و پالپشتێ سه‌ركه‌تنا شۆره‌شا گولانێ ژ به‌ر كو ده‌سته‌كێ باوه‌ری ل پشت هه‌بوو ژبه‌ر هندێ شۆره‌ش كه‌ته سه‌ر هێلا خوه‌یا دروست بۆ پێنگاڤا ئێكێ كار ل سه‌ر به‌لاڤكرنا ده‌نگێ شۆره‌ش و ده‌ست دایه ل ڤاندن و پێگه‌هاندنا خه‌لكێ كوردستانێ ل سه‌ر هزرا نه‌ته‌وی و كار ل سه‌ر چێكرنا هێلێن رێخستنێ نه‌هینی كر و ده‌نگێ شۆره‌ش سه‌رتاسه‌ری به‌لاڤبوو پاشێ شۆره‌شێ ده‌ستدایه شه‌رێ پارتی زانی و به‌رهه‌ڤین چێكرنا مه‌فره‌زه و گرۆپێن بچووك بێ پێشمه‌رگه‌ی گولانێ ب شێوه‌یه‌كی شوره‌شگێری چوونه د ناڤ جه‌رگێ دوژمنی دا و گورزێن كوژه‌ك وه‌شاندن سه‌نگه‌ر و ئاخوێرن كه‌دخوار و خوه‌فرۆشێن گه‌لێ مه له‌ورا هه‌ر زوو ده‌نگ و ره‌نگێن شۆره‌شا گولانێ ل سه‌رتاسه‌ری عێراق و كوردستانێ به‌لاڤبوو و دیاربوو ترس و له‌رزه‌كی دوژمن نه به‌ردان و ده‌ركه‌تن و گه‌شكرنا شۆره‌شا گولانێ وه‌كو مزگینی و ئومید به‌خشه‌كێ دایه گه‌لێ كورد و گه‌لێ كورد زۆری دلخۆش بوو، به‌لێ به‌روڤاژی ترسا شۆره‌شێ كه‌ته د دلێ گشت دوژمن و نه‌یارێن گه‌لێ مه دا و ئه‌ڤێ راستی رۆژ بۆ رۆژێ دیاركر و هه‌می هێلێن نهێنی كه‌تن كاری بوونه پشته‌ڤان و بارسڤكبوونه‌ك بۆ شۆره‌شێ و رۆژ بۆ رۆژێ به‌رفره‌ه و ل گه‌شێ دا و ب شانازی ڤه هه‌می ته‌خوچینن ڤێ ملله‌تی ل دۆر ئالای شۆره‌شا گولانێ خرڤه‌بوون و ژ هه‌می ئالیه‌كێ ڤه چوونه بن بارێ شۆره‌شێ كو خه‌بات و قوربانیدانێ پێشكێشی گه‌ل و وه‌لاتی خوه بكه‌ن بۆ هندێ سه‌رفرازی و هه‌بوونا گه‌لێ خوه دیار بكه‌ن.. .
له‌وا خه‌لكێ مه ب وێ گه‌رموگۆریا هه‌ی پێشه‌وازی ل شۆره‌شا گولانێ كرن، چونكو وه‌كو خه‌ونه‌كێ بوو بین و هه‌م پشتگه‌رمیه‌ك بوو كو دێ ئاینده‌كی بۆ گه‌لێ مه په‌یدا كه‌ت و ئه‌ڤه ژی پشتی هاتیه دیتن و زانین كو ئه‌ڤێ شۆره‌شا گولانێ سه‌ركرداتیه‌كا دلسۆز و پێگه‌هشتی ل گه‌ل دایه كو چاڤدێر و سه‌رپه‌رشتیا وێ دكه‌ت و ب تایبه‌تی هه‌لگرێن په‌یام و قوتابێن ئه‌وێ رێبازا پیرۆزا بارزانی راسته خوه سه‌ركردایه‌تیا وێ دكه‌ن ژ به‌ر ڤێ ئێكێ كور و كچێن گه‌لێ مه ب پیرۆزی ڤه بوونه رێڤنگێ ئه‌ڤی كاروانێ گه‌هشتنا ئارمانجێن گه‌لێ كورد و كه‌تنه د چه‌په‌رێن َبه‌رنگاری و ململانێ به‌رامبه‌ری زۆردار و دوژمنێ گه‌لێ كورد له‌ورا گۆرخوه‌ش بین چو ترس و ره‌ڤه‌ك بۆ نه‌بوو، ژبه‌ر هندێ ره‌ف بۆ ره‌فێ خوه گه‌هاندن د ناڤ رێزێن شۆره‌شا گولانێ و دیاربوو گه‌له‌كان ژی كونجێن زیندانێ كرن مالا خوه و هه‌لبژارت ژ پێخه‌مه‌تی ئازادی و مافێن گه‌لی خوه
