شۆره‌ش و شۆره‌شڤانۆ
به‌هزاد به‌هرام
شۆره‌ش و شۆره‌شڤانۆ
كێ ل بیره؟ یان
كێ مایه ل بیر!؟
چه‌مێ ئاراس
ب سه‌ركێش و كاروان…
پڕ ب ناڤ و ده‌نگ بوو
چیا و كێری و زنار
ژ باز و ئه‌لهویان
ب هیمه‌ت و قه‌در بوو
ده‌شت و مێرگ و چیمه‌ن
ب خه‌زال و سوسنان
پڕ ب راز و ناز بوون
گوند و گوندی و ماله‌ڤان
د گه‌ل شۆره‌شێ هه‌ڤڕا بوون
زارۆك و لاو
ژ شۆره‌شڤانا هه‌ڤال بوون
شۆره‌ش و شۆره‌شڤانۆ
گری و گریا من تێ
رۆندك ناهێن و ناهێن خوار
كه‌نی و كه‌نیا من تێ
ژ دل و ناخ قه‌د ده‌رناهێن
ل پشت سه‌ر و گۆڕا هه‌وه
ئه‌لند و رۆناهی و ره‌ونه‌ق تێ
ژ خوینا سۆرا له‌شێ هه‌وه
بێهنا مسك و عه‌مبه‌ر و گولاڤ تێ
ژ سینه و سنگێ هه‌وه
كانیك و جۆ و جۆبارێن
مه‌رد و مه‌ردینیێ
ئازادی و ئارامی دزێن
ژ دێم و روخسارێ هه‌وه
گرنژین و ئه‌ڤینا سپی
جانی و جوانی دبارن
شۆره‌ش و شۆره‌شڤانۆ
نێرگزێن دیوانێ
هه‌ر تم گه‌ش و دپشكفتینه
مێهڤانێن گۆڕستانێ
هه‌رده‌م ب رێك و ب پێنه
ل سه‌ر رێكا شۆره‌شێ
نابین ڤه‌ده‌ر ئه‌م دشوپینین
روحا هه‌وه شاد گیان شاد
جانێ هه‌وه بوو یاد و
سومبۆل و هێما و چه‌ڤه‌نگ
خه‌نجه‌ر و برنۆ بوون
نیشان و ره‌مز
سلاڤ ل دووڤ سلاڤێ
ل گوڕی و چریسك و
هه‌لم و دوكێلا
لوولیا برنۆ و تفه‌نگا هه‌وه بن…
