شۆڕشا ئیلۆنێ د بزاڤا رزگاریخوازیا كوردستانێ دا
ناجح بێجانی
د مێژوویا كوردان دا ب دەهان شۆڕش و بەرخودان هاتینەكرن ژپێخمەت ب مافێن خوە یێن ڕەوا شاد ببن، وەكو هەمی گەلێن دی یێن جیهانێ ڕاستە تایبەتمەندێن هەر وەلاتەكی جودانە ژ لایێ سیاسی و جیۆپۆلتیكێ ژی ڤە، لێ ل دووڤ كاودانان كوردان ژی خەمساری نەكرییە، یان ژی نەشیانە زێدەتر بگەهن وان ئارمانجان یێن كو خەبات بۆ دكر، ئاماژەدان ب دەسیپێكرنا شۆڕشا ئیلۆنا مەزن هندەك ژێدەر دبێژن: ١٩٦١/٩/٩ێ ئێكەمین گوللە ژلولیا تەڤەنگا پێشمەرگەی دەركەفتی بەرەف سینگێ داگیركەرێن كوردستانێ ل زاخۆ بوو. لێ پشتی ڤەگەریانا بارزانیێ نەمرل شەشی چریا ئێكێ ١٩٥٨ێ ژ ئێكەتییا سۆڤیاتا جاران و نەمانا حوكمێ پاشاهیێ ل ١٤ ێ تیڕمەها ١٩٥٨ێ د دەستوورێ ئیراقێ یێ نووی دا هاتبوو نڤیسین كورد و عەرەب برانە و پشتی عەبدولكەریم قاسمی دەستهەلاتداریا خوە موكمكری و دەست ب گڤاشتنان كری داكو كورد ملكەچی بڕیاریێن وی ب بن و ب فڕۆكێن لەشكری هێرش ئینان سەر خەلكێ سڤیلێ كوردستانێ و سۆتاندنا گوندان و گرتن و زیندانكرنا ئەندامێن پارتی، لەومانێ سەركردایەتیا پارتی بڕیار دا ئەگەر نەتێگەهەشتنەك هەبیت، ئەم ئامادەینە ب ڕێیا دانوستاندنان چارەسەربكن، ب مخابنی ڤە هەتا ئەڤرۆ ژی عەقلیەتا ئێكدو قەبوولكرنێ ژلایێ شۆڤینێن ئەرەب ڤە ل ئیراقێ یا بەردەوامە، پارتی ب سەرۆكاتیا بارزانیێ نەمر نەچاربوون رێیا دوێ هەلبژێرن كو بندەستیێ قەبوول نەكن ب ڕێیا لولیا تڤەنگێ بەڕەڤانییێ ژ ناسنامەیا كوردستانێ و هەبوونا خوە بكن و شۆڕشا ئیلۆنێ بەرپاكر و گەلەك دەڤەرێن كوردستانێ هاتن رزگاركرن و دوژمن نەچاركرن ب دانوستاندن وڕێكەفتناما ١١ی ئادارا١٩٧٠ێ پێدا ئیمزاكرن و هندەك مافێن سەرەتایی بۆ نەتەوەیێن كوردستانێ بدەستڤەهاتن، سالێن ١٩٧٠-١٩٧٤ێ چار سالێن ئارامیێ بوون ل كوردستانێ سالا ١٩٧٤ ێ جارەكا دی شەری دەستپێكر و كو ڕژیم ئامادەنەبوو ڕێكەفتنێ وەكو خوە جێ بەجێ بكن و ب پیلانەكا نیڤدەولەتی و هەرێمەیاتی و ل گەل ڕژێما ئێرانی ڕێكەفتن و شۆڕش تووشی شكەستەكا مەزن بوو، دوژمنان وەسا هزر دكرن ئەڤە دووماهیك شۆڕشە، ژ بەركو ئەم خودان دۆزەك ڕەوانە و هەر زویكا سەركردایەتیا پارتی هەست ب ڤالەهیێ كر و جارەكا دی دەست ب كۆمبوونان كرن و كۆنفرانسەك ل ئەلمانیا هاتە بەستن و د ئەنجام دا شۆڕشا گولانێ دەستپێكر ب تەكتكێن تازە و شەڕێ پارتیزانییێ و هێدی هێدێ هێزێن پێشمەرگەی بەرەف زێدەبوونێ بوون سرنجا خەلكێ بۆ خوە كێشیا و دۆر وێ خرەڤەبوون ب بیر و باوەریێن كوردایەتیێ، موكمكرنا پەیوەندیان و زالبوونا هەستا نەتەوەیی د رێیا پارتی و رێبازا (بارزانیێ نەمر) دا، لێ ب مخابنی ڤە وەكو هەمی جاران ئەنجامێن هێرشێین بەردەوام یێن دوژمنی بۆ سەر خەلكێ سڤیل و بێگونەه یێن كو ب ناڤێن ئەنفالان ژبۆ نەهێلان و قڕكرنا گەلێ كورد و ب هۆڤانە دویر ژ هەمی پرەنسیبێن مرۆڤایەتیێ دیرۆكێ دا جارەكا دی كورد هاتن جینۆسایدكرن و ئەوا ب سەرێ گەلێ كورد هاتی د دیرۆكێ دا كێم وێنەیە، لێ ئەڤە هەمی نەبوون ڕێگر بۆ بەرەڤانیكرن ژ مان ونەمانێ و خۆڕاگرییا گەلێ كورد و هێزێین پێشمەرگەی و د ئەنجامدا ئەم بسەركەفتن و بەرهەمێ وێ بۆ سەرهلدان كەلهێن داگیركرنێ ژ ناڤبرن ب باوەریا موكما هێزیێن پێشمەرگێن و خەلكێ كوردستانێ و خوینا شەهیدان ئەڤرۆكە ئەم ئازادبوون و نیمچە سەربەخۆ، پیرۆزبیت سالڤەگەرا ٦٤سالییا شۆڕشا ئیلۆنێ و كوردستان ژی هەر یا پاراستی و ئاڤەدان بیت.ن
