شۆڕەشا ئیلۆنێ بەرێ بنیاتێ ئاڤاكرنا هەر چوار پارچەیێن كوردستانێ دانایە
ديدار، سالار محةمةد دۆسكى:
3 – 4
پێشمەرگەیێ شۆڕەشا گولانا پێشكەفتنخوار ، بەحسێ شەهید بوونا وی كر و گۆت: ئەز ل گەل محمود ئێزدی هاتینە گوندێ نسرا و سەدیق ئێمنكی و ئەحمەد بامەرنی ئەم چووینە مالا موختارێ نسرا ناڤێ وی سەدیق بوو، وەیسی و عجێل و سمائیل و عەبدوللا، لەشكر چوو ئەتریش و مە دیت و سەدیق زێرەڤانێ مەیە، و مالەك هەبوو دگۆتنێ تەیب ل گوندێ نسرا و مەحمود چوویە دەف تەیب بۆ كارەكی و ئەو دناڤبەرا مە زێرەڤانە و چەند گوندی ل دەف مەنە ئەمێ دئاخڤین، وی دەمی كادرێن سەركردایەتی یا بەروەخت مرۆڤێن رەوشەنبیر بوون، و هەمی تێگەهشتی بوون و پێشمەرگەیێ ژ هەمیان لاوازتر تو نەشیایێ بەرامبەر باخڤی و لەشكر جارەكا دی ڤە گەریا، و كورەكێ بچوویك ژیێ وی نەه دەه سالەك بوون، ئەحمەد بامەرنی پارە دانەڤێ خودێ ژێ رازی بیت گۆتێ هەر بوو من دو فانێلا بكرە ، و ئەو كورك چوو دیت لەشكرێ ژ وێ ڤە دهێت و دهێتە گوندی و لەشكری گۆتێ مالا موختاری كیشكە گۆتێ ئەڤە و مالا موختاری بێلایە، و چەند دەرجەنە و دێ سەركەڤی چیە بەربانكێ مەزن و چەند پەنجەرێن بێ پەردەنە وی دەمی كارەب نەبوو، و لوكس یا هەل بوو ئەم ژی یێ دئاخڤین و نوزانم خویشك بوو یان ژنكا موختاری بوو و هاتە ژوور و رەنگێ وێ یێ كەتی بوو، و گازی كرە موختاری بهێتە ژ دەرڤە و من گۆتێ ئەحمەد رەنگێ ڤێ ژنێ گەلەك غەریب هاتە چاڤ من، وی گۆت محمودە بەلكو خوە ژ ئێكی عاجزكربیت و ئەم دئاخڤین، و من گۆتێ ئەحمەد دەنگێ عەرەبیێ یێ دهێت و هەمان دەم ژ نكا موختاری زارۆكەكێ ملی و هاتە ژوور ڤە، و گۆت دا بۆ هنگو بێژم پێنچ جندی ل گەل ئەفسەرەكی ل بەر دەرگەهی نە، و هنگو دڤێت شەڕی بكەن و هنگو ڤێت خوە رادەستی حوكمەتێ بكەن، و مە دپەنجەركێ بەرێ خوە دا دەرڤە وی دەمی هەیڤا 10 بوو و سارمابوو و مە بەرێ خوە دایێ كلێتێن كرینە سەرێ خوە، و بتنێ چاڤێن وا د دیارنو هەمی ب چەكن، مە د پەنجەركێ دا هاڤێتێ و ئەفسەر ل گەل موختاری دئاخفت و چوونە خوار و بوو شەر، و ئەم یێ ژوور ڤە و دەمێ بوویە دەنگێ رەمیێ سەدیق چیتە دەف مەحمود، و ئەو پرسیارا مە دكەت گۆتێ هەڤال چوون و ئەو ژی دزڤرن و بەرامبەر دبێژنێ پیرێ هەمر و جارەكا دی مەحمود گۆتێ سەدیق كا هەڤالێن مە گۆتێ یێ دخانی ڤە، پا بۆچی تە نەگۆت گۆت رەشە بوو من چێبوو و مەحمود ئەو دەرخست گۆتێ تو ل گەل من ناهێی، و ژێهەل ب سەركەفت و هەمان دەم وەیسی دهێتە خوار و قەستا دەف مە دكەت، و دكەڤنە كەمینا لەشكری و شەهید دبیت، و (عوجێل و سمائیل و عەبدوللا تڤەنگا وی ژێ ڤە دكەن و تەرمێ وی دكێشنە بن بەرسفكەكێ و هندەك تشتا دكەنە سەر، و ئەم ماینە دخانی ڤە و پا ئیز بوو ، وی گوندی كەپرەك چێكر بوو دەرجەكەكا داری ل بەر بوو مرۆڤ ب رێكا وێ ب سەركەفت و كولانێن نسرا گەلەك تەنگ بوون، و مرۆڤ دشیا ژ كولانێ بچیتە كولانا دی و من گۆتێ ئەحمەد من رێكا قورتال بوونێ دیت، و ئەم ب دەرجكێ ب سەركەفتین و چووینە سەر بانی وی دەمی جانتێ مەحمود هەمی تژی پێزانین بوون، ل سەر خەلكێ دەڤەرێ و ئەو تورا رێكخستنێ دروست دكەت، و من گۆتێ جانتێ مەحمود مە هێلا و ئەحمەد گۆت تە دڤێت تو هەرە ئەزدێ ڤێرە بم، و تە دڤێت تو ل ڤێرە بە ئەز دێ چمێ وی دەمی مە باوەری ب ئێكدو گەلەك هەبوو، و كوردینی بەری هەر تشتەكی بوو، و گەلەك یا شرین بوو و من گۆتێ ئەحمەد ئەز دێ چمە وی گۆت دێ ل ڤێرەبم و ناچم هەتا ڤەدگەری، و ڤێجا وەرە ئەوان دەرجكا وی دەمی مە سێ دەرجە دكرنە گاڤەك وەرە جارەكادی ژوور دا هەرە خوارێ ڤە، و چوومە ژوور ڤە و دنیا تاری یە و ب لەپەقوتێ من ل جانتكێ مەحمود گەریا و من زانی ل كیش سەنتێ یە، و من جانتك دیت و من ل بەر خودانا و ب سەركەفتم و دەرجە من كرنە دو گاڤ و ب سەركەفتم و لەشكری دیتم و هاڤێتمە من و خودێ ئەم قورتالكرین و ئێك گولە ژی ب مە نە كەفت .
پێشمەرگەیێ شۆڕەشا گولانا پێشكەفتنخوار ، بەحسێ نەخوشترین رۆژێن ژیانا خوە كر ل گەل شۆڕەشێ و گۆت: ل سالا 1979 ئەم هاتینە ئەڤریكێ 10/5/1979 ئەم كەفتینە كەمینا حوكمەتێ هاڤێتە مە و بریندار بووم ئەم 16 پێشمەرگە بووین ل گەل محمود ئێزدی ن ئەز و محمود ئەنوەر بێبادی و رەشید سپینداری ئەم بریندار بووین، و ئەم ژێك ڤە قەتیاین ئەم چووینە چیایێ پێدە و چیایێ پێدە ل كورەدێرێ ژی فەوجا حوكمەتێ لێ بوو، و مە خوە پاراست و ئەم ب شەڤ گەهشتینە ئێك دو ڤە و ئەم هاتینە دێرەروشكێ ل زاویتە و جادا ئاخێ بوو لوفە بوون، و دو لوفە مابوون بگەهینە دناڤا گوندی دا وێرێ حوكمەتێ كەمینە دانا بوو، و جارەكا دی ئەم كەفتینە كەمینا حوكمەتێ وئەم بریندار و هندەك هەڤالێن مە ل گەل مامێ من وا پاشڤە زڤرین بۆ مێسك و سەر مێسكا، و ئەم نەه ڤەقتیاین ئەم هاتینە نێزیك دیرەروش ئەم ژ كەمینێ بوری بووین، و ئەم چووینە سەرێ كانیا وی گوندی و جهەكێ ئاسێ بوو، و سپێدێ دەمژمێر پێنچ حوكمەتێ هێزەكا بەرفرەه ئینا بۆ وی گەلی هاتن و ئەز و خەلیل د درازایبووین و ئەو دو رۆژ بوو مە خوارن نەخواری، و ئەم نڤستبووین و سەرە كانیا دێرەروش ئاڤا وێ چوو گوندی ئەم بە تەنشت بووین، و هندەك جندی بەر سینگێ مە و هندەك پشت مەرا سەر كەڤن بۆ ژێهەل ئەو نەه جندی بوون و ئەفسەرەك ل گەل بوو، و ئەو سەح دكەنە مە و دیسا ئەم دبینە دو جین ئەز و خەلیل و جەعفەر بێبادی حەسن و سەعید و حەجی سالح و ئەمین و رەشید ئەڤە لدەف ئێك بووین، بوو شەر 12/5/1979 شەرەكێ هوسا دەست پێكر كەسەك باوەرناكەت و ئەگەر پرسیارا هندەك زاویتەیێن ب عەمر بكەن، و شەری دەسپێكر هەتا هەشت و نیڤی و بەردەوام هێزا بۆ حوكمەتێ دهات، و هەتا دەمژمێر 11 فیشكێن هەڤالێن مە گەلەك كێم بوون، و ئەم ژ خوە بهیڤی بووین وی دەمی سائیب زێباری ئامر لیوایێ دهۆك بوو و قائید فەیلەق خەلكێ كەركووكێ بوو، ئەو هەر دو ب فرۆكێ هاتبوونە دەڤەرێ و ئەوا بخوە ژی گەلەك ژ ئێكدو كوشتن و كەسەكێ نەدزانی كی ل كیرێ یە.
