شۆڕەشا گولانێ ل سەر سێ تەوەران خەبات دكـر
دیدار/ رەمەزان دەشتمری
2 – 2
هەر ل دور رولێ رێكخستنا پارتی و رێكخراوێن جەماوەری ل وی سەردەمی قادر عەمەر دبێژت: پارتی دیموكراتی كوردستان رولەكی گرنگ ب شانا بنچینەیی ددا و ڕولێ ئێكەتیا قوتابیێن كوردستانێ و ئێكەتیا لاوان دناف رێكخراوێن پێشمەرگەیاندا گەلەك ب بزاڤ بین و چەند خول ڤەكربوون و وەك بابەتێن رێكخستنا پارتی و مافێ چارەنووس و ئامانجێن پارتی دیموراتێ كوردستان ل سەر دەمێ شوڕەشێ و ئەز دشێم بێژم ئەم وەك هەڤال دگەل ئێك بووین وب ئەڤێ رێكێ ئەز فێری گەلەك تشتان بوویمە نەخاسمە دوارێ دەنگ و باساندا. هەلبەت پشتی نسكویا سالا 1975 ێ حكومەتا عیراقێ دەست ب راكرنا گوندێن سەر سنوری كرن ئەوژی دچەند قویناغان دا بی. ل ئەوی دەمی بێ ئومێدیەك د ناف خەلكێ دا پەیدابی، بەلێ مە زانی كو هەژمارا دوازدە پێشمەگەیان یێن بۆ دەڤەرێ هاتین و دەست ب ێكخستنا پارتی دیموكراتی كوردستان كرین. بەلێ پشتی سالا 1979 ێ ب ئێكجاری سیاسەتا حكومەتا ئیراقێ دگەل مللەتێ كورد هات گوهورین. بەلێ ب رێكا ئیزگێ دەنگێ كوردستان و دەنگ و باسان مە زانی كونگرێ نەهێ یێ پارتی هاتی بەستن و پتر ڤەژەن كەتە دناف شورەشێ دا. پشتی جەنگا عیراقێ و ئیرانێ ل سالا 1980 ێ دەستپێكری ڕەوشا حكومەتا عیراقێ ژ لایێ ئابووری و مەعنەوی ڤە لاوازی كەفتێ، بەلێ ژ لایێ ئەمن و ئیستخباراتی ڤە پتر چاڤدێریا دەڤەرێ دكر. هەر وەسا ڕێبازا پارتی پشتی كو كونگرێ نەهێ ل سەر سێ تەوەران وەك بەرنامە ل سەر كاردكر. خالا ئێكێ بەرنامێ رێكا ئازادیێ وەك شەرێ فلستین و گرینانا و تایوەند و ڤێتنام و و موزەمبیق و گەلەك دەولەتێن دیتر. خالا دوویێ پەیرەو و پروگرامێ پارتی یێ نافخوی گرنكدگەیكا باش پێ دهات دان. خالا سیێ یاسایا لەشكەری شورەشگیری كوردستان كو دێ چەوان چالاكیان ئەنجام دەن و قازانج دێ چەند بیت؟ وەك مللەت، حكومەت، پێشمەرگەهـ، راگەهاندن و ئیزگە دگەل مللەتی ب سەركەڤت. زێدەباری شەرێ پارتیزانی و بابەتێن ئابوری و جڤاكی وەرارێ كت و رێكخستا پارتی دئەڤی بواری داگەلەك موكوم بی. پێشمەرگە قادر دەشتمری دبیرهاتنەكا خوەدا دبێژت: ل سپێدەهیا ڕۆژا 22/8/1984ی هێزەكا مەزن یا حكومەتا ئیراقێ ب عەسكەر و دگەل فەوجێن جاشان هیرشی سەر بارەگایێ لیژنا ناوچا زاخۆ و بارەگایێ لیژنا ناوچا دهوك كر و شەرێ خەری مەزن و دژوار كەفت ل گوندێ ئەرمشتێ و پشتا گوندێ زێوكا عەبو ناڤشكێ و گوندێ ئوزمانا. ل ئەوی دەمی ئەز جێگرێ ئامر مەفرەزە دگەل ئەسنادێ بیم و هێرش هاتی و تەقێ و شەڕی دەستپێكری مە دوشكا خۆە یا دوازدە و نیڤ ملم ل نهالا بێزالكێ ل تەنشت گوندێ ئەرمشتێ دەینا و ب چەكێ دوشكێ تەقە ل فوكەیێن هەلیكوپتەر یێن جەنگی دكر. دەمێ هێرشا عەسكری و جاشا ژ گوندێ كواشێ ب سەر چیایێ سپی كەتی و بەرەف گوندێ ئەرمشتێ ڤە هاتی و شەڕەك دژوار كەتە گەلیێ گوندێ ئەرمشتێ و بەلێ ب زەند و باسكێن پێشمەرگەیێن قەهرەمان و ئەڤ هێرشە هات شكاندن و عەسكەر و جاش ب سەرشوڕی پاشدا زڤرین. بەلێ ب مخابنیڤە هەژمارەكا پێشمەرگەیی دئەڤێ شەڕی دا هاتن شەهید برینداركرن ئەوژی شەهید( شەهید عەلی ڕەشید ئەرمشتی شەهید حاجی پشو شەهید فارس سالح كوچەر شەهید محسن عەلی گەرگەری شەهید حەسەن ئەحمەد ماسێ شەهید سوبحی عیسا شەریف شەهید جەواهر ئیسماعیل) و ئەو پێشمەرگەیێن دئەڤی شەڕی دا برینداربوین ئەڤەبوون( حسین رەمەزان ناسیار ب ئەبو شەعبو، ئوسمان قاسم مەستی، بشار محێ تێلی، رەمەزان مژین نوردینی، حاجی خدر عەمەر، ئەمین سەفەر، عەبدولستار مەجید ئەلندكی، تەحسین كەمەكی، عەبدولقەهارزێوكا عەبوی) و هەر وەسا دوو پێشمەرگەیێن حزبا شیوعی د ئەڤی شەری دا بریندارببین بەلێ ناڤێن وان ل بیرا من نەماینە. ئەڤی شەرێ بێ وێنە و دژوار هەتا ڕۆا 29/8/1984ی ڤەكشێا و عەسكەرێ حكومەتا ئیراقێ و دگەل كرێ گرتیێن جشان ب سەرشورێ خۆە ل بەر دەبێن پێشمەرگەیی نەگرتن و پاشدا زڤرێن. دئەڤی شەرێ دژوار هێرشا حكومەتا ئیراقێ ژ چوار لایانڤە ل دەڤەرا زاخۆ ژ گەلیێ ئەرممشتێ و گوندێێ دولا و ژلایێ دەڤەرا دهوكێ ژ گوندێ بابوخكێ و گوندێ زێوكا عەبو هێزا حكومەتا ئیراقێ ب توپ و فروكە و دەبابان هێرشی دەڤەرێ دكرن و پێشمەرگەیێ كوردستانێ و دگەل پێشمەرگەیێن بەرەیی جوت و ب ئەوی چەكی ل بەردەستێ پێشمەرگەیی شیان خۆە ڕابگرن و دوژمنی ب سەرشوڕی پاشدا بشكێنن. دڤی شەرێ دژواردا كوب ۆ ماوێ حەفت شەڤ و حەت ڕوژان ڤەگێشا. هەلبەت بارودوخێ شوڕەشێ هە تا سالا 1985 ێ پشتی هینگێ مروفكانێ كەفتە دناف رێزێن پارتی دا چونكە بنەمالكانێ و عەشیری هات دناڤدا. ئەڤ چەندە ببو ئەگەرێ هندێ كو حكومەتێ گەلەك جاران زەلامێن خوە دهنارتن دناف شورەشێ و دهاتن ئاشكەرا كرن بەلێ ژبەر مروڤكانێ و عەشیرەتگەریێ نە دهاتن سزادان. ل دوماهیا ئەڤێ دیدارێ قادر دبێژیت: نها هندەك كەسێن نە هەژی ئەڤرو بەرسارەتیا مللەتی دكەن و هەمی دەما پارتی دڤێت دین و ئەخلاقی بگریت. و زور گوهداریا پێلێن رادیوێ دكەم و ب ێ رێكێ ناڤێ سەد و پێنجی دەولەتان دزانم و نوكە نێزیكی 75% دەولەتێن جیهانی دیموكراتی نە ئەڤێن دیتر دكتاتوری و پاشایەتی نە. و هەر وەسا نوكە گەلەك تەماشەیی تەلەفزیونا بی بی سی و فرنسا و (روسیا الیوم) دكەم و زێدەباری هەمی دەمژێران گوهداریا دەنگ و باسان دكەم. دەربارەیی خزمەتێ كا چ بۆ هاتیە كرن د جهدا دەستدا كیسكێ خوە و جگارەك ژ تویتنێ پێچا و قورمەك لێدا و ئاخینكەك راهێلا و گوت: هەتا نوكە من پارچا عەردی وەرنەگرتی یە و مووچێ پێشمەرگاتیێ ژی هاتبوو بڕین پشتی گەلەك پێكولان پێكولان جارەكادیتر مووچێ خانەنشینێ وەرگرم و هەر وەسا پێشمەرگە قادر عەمەر گوت: دڤێت پارتی و بەرپرسێن مە هەمی دەما ڕێزێ ل خزمەت و خەبات و ماندبونا پێشمەرگەیی بگرت و هەمی دەمان بەرپرس مەیدانی دناڤ خەلكێ دابن و بەردەوام سەرەدان ئەوان گوندان بكن ئەوێن نان داین پێشمەرگەیی و خزمەتا شوڕەشێ كرین. هەروەسا شالانە هەمی بیرەوەری و داستانێن پێشمەرگەیی و ڕویدانێن ب سەرێ خەلكێ هاتین ب ڕێ و ڕەسمێن ژ هەژی بۆ ئەوان بێن ساخكرن. خالا ژ هەمیێ گرنتر ئەوە پارتی دیموكراتی كوردستان فشارێ ل حكومەتا هەرێما كوردستانێ و وەزارەتا كشتوكالی و وەزارەتا ئاڤەدانكرنێ بكت كو بایەخەتی زور مەزن ب ئاڤاكرنا گوندان و كەرتێ چاندنێ و ئاژەلی بدن ژبەركو شارستانیەتا باژێڕان ب هەبینا گوندان و بەرهەمێ خومالی ڤە هەیە. و دوماهیێ سوپاسیا ڕۆژنامەیا ئەڤرو بۆ ئەڤێ دیدارێ كر و داخوازا سەركەفتنێ بۆ خواست.
