شۆڕەشا گولانێ ل سەر سێ تەوەران خەبات دكـر
دیدار/ رەمەزان دەشتمری
1 – 2
خەباتا شۆڕەشا 26 ی گولانا پێشكەفتی خواز ژ لایێ رێكخستنێ و چەكداری ڤە وەرارەكا بەرچاڤ ب خوەڤە گرتبوو، هەر وەرسان پەیوەندیێن پارتی دگەل پارت و لایەنێن سیاسی رولەكی بەرچاڤ هەبی. پێگەهاندنا پێشەرگە و كادرێن پارتی دیموكراتی كوردستان د بوارێن جودا جودا دا گرنگیەكا گەلەك مەزن پێ دهاتە دان.
پێشمەرگەیێ شوڕەشا 26 ی گولانا پێشكەفتنخواز قادر عەمەر ئەحمەد دەشتمری بۆ ڕۆژنامەیا ئەڤرو ئاخفت و دبێژت: ئەز ل سالا 1956ی ل گوندێ دەشتمرێ سەر ب ناحیا ڕزگاری قەزا زاخۆ ژدایكبویمە و ل دەسپێكا شوڕەشا ئەیلولا مەزن ەل هەیڤا چریا ئێكێ هێرشا ئەسكەرێ حكومەتا ئیراقێ بۆ سەر دەڤەرێ هات و گوندێ مە ژلایێ هەسكەریڤە هات سوتن. ل سالا 1964ی خەلكێ گوندێ دەشتمرێ ژبەر هێرشێن حكومەتا ئیراقێ گوند چولكرن و مالێن خۆە برنە پشتا گوندێ چەمباهیڤی ل جهەكێ دبێژنێ: گەلی ستێنگی و و هەر مالەك لشكەفتەكێ یان ل بەر ڕزدەیەكا كەڤری ئاكنجی بین. قادر عەمەر گوت: بیرا من دئێت جارەكێ خودێ ڕازی ئەسحەد خوشەڤی دگەل هەژمارەكا پێشمەرەگیان هاتن مالا مامێ من موستەفایێ دەشتمری و لێ بین مێهڤان. پشتی نان خوارنا فراڤینێ مامێ من موستەفایی پرسیارەك ژ خودێ ژێ ڕازی كر و گوتێ: ئەرێ ماوستا ئەو سەورا كوردی دێ چەوا بت و چ دەولەتدێ هاریكاریا مە كن و كوم ە كوردان ژ بن ئەڤێ زولم و زورداریا خكومەتێ دەربێخت و ئەم بشێن ل سەر گوندێن خۆە ب ئازادی و سەرفرازی بژین. خودێ ژێ ژێ ڕازی ئەسحەد خوشەڤی سەرێ خۆە بلند كر و ڕۆندكەك ژ چاڤێن وی هاتن خوار و گوت مامێ موستەفا: ئەرێ تو ئەڤێ شكەفتە هە دبینی كو هندەك چپكێن ئاڤێ یێن ژێ دئێن خوار و هەر هەر دەما ئەڤ دلوپە هشك بین چ ڕویبار و ئاڤێن دیتر نائێن سەر ئەڤان چپكان ، ئها مەسەلا مللەتی و شوڕەشێ ئەڤەیە مە ب هیڤیا خۆەڤە و ب هیڤیا ئەڤی مللەتی شوڕەش یا كری و و هەكەر ئەم خۆە ب خۆە خودان نەكین چ دەولەت هاریكاری و پشتەڤانیا مە ناكن و ئەمژی یێن هیڤیا مللەتی و شوڕەشێ ل دژی حكومەتا ئیراقێ دكن. هەر هەر وەسا قادر عەمەر دبێژت: من هەر ل سالا 1963ی گوهداریا رادیویێ كریە و د ژیانا خۆەدا من گەلەك حەز ژ دەنگ و باسێن رادویێ دكر و هەتا سێزدە رادیوان من یێن خراب كرین و هەر وەسان هەر ژ سالا 1961ی هەتا سالا 1987ی گوندێ مە دەشتمرێ بۆ ماوێ پێنج جاران ب دەستێن ئەسكەر و جاشان هاتیە سوتن و كاڤلكرن و خەلكێ ئەڤی گوندی و دگەل خەلكێ ئەڤان گوندێن دەڤەرێ قەستا ب خێزانڤە قەستا ناڤ شوڕەشێ كرین و مالێن خۆە ل نهال و شكەفت و گەلیان ژبەر هێرشێن توپ و فڕوكەیێن ڕژێما ئیراقێ خۆە پاراستین و ژیانا خۆە ل ئەوان دەڤەرا بوراندبین. ئەز ل سالا 1977ی دناڤ ڕێزێن ڕێكخستنا نهێنی یا پارتی دیموكراتی كوردستان هاتم ڕیكخستن و چەندین چالاكی دناڤ جەرگێ دژمنی دا ئەنجامداینە و ل ڕۆژا 13/6/ 1980ی من قەستا ناف ڕێزێن شورەشا 26ی گولانێ كر و بۆ ماوێ سێ هەیڤان ئەز وەك (ملتحق) ل بارەگایێ لقێ ئێم مام و پاشێ بۆ لیژنا ناوچا زاخۆ دگەل ڕیكخراوا شەهید ئەحمەد میرزا یا سەر ب لیژنا ناوچا زاخۆ خالا ئەسنادێ هاتم ڤەگوهاستن. سالا 1981 ڕیكخراوا مە یا شەهید ئەحمەدمیرزا و ب هەڤكاری دگەل چەند ڕێكخراوێن سەر ب ڕیژنا ناوچا زاخۆ ب چەكێ توپا 82 ملم و بچەكا دوشكێ بارەگایێ فەوجا كومەلگەها هیزاوا توپبارانكرن و هەر وەسا ل دویڤ بریارا لقی ئێك ئەم هەژمارا شێست و دوو پێشمەرگەیان ل ڕۆژا 29/6/1982ی بەرەف ڕۆژئاڤایێ كوردستانێ چوین و ئەم بەرەف چایێ جودێ و ل پشتا باژێرێ سلوپیا هاتن و ڕویبارێ ئاڤا مەزن دەربازبین.ل هندەك شەڤان پتر ژ هەشت دەمژمێران ب پیان ل ڕێكێ و تاریاتیێ دچوین و بۆ ماوێ سێ ڕۆژان هەتا ل شەڤا 3/7/1982ی ئەم گەهشتن جهەكێ دبێژنێ: پشكا قەسرا عەلو دینو ل پشتا یاژێرێ جزیرا بوتا ماین ئاسێ و ژبەر عەسكەرێ دەولیتا توركیا دەربازی ڕۆژئاڤایێ كوردستانێ ببین. ژبەر ب ڕیڤەچونەكا درێژ و وەستیانەكا دژوار و ب خوارنەكا گەلەك كێم و بێ هێزی ئەم ل ئەوی جهی ل هەشارێ دا ماین و مە خۆە دناڤ ئەوان تراشاندا خۆە هەشاردا. هەتا هەڤالێن مە یێن ڕیكخستی یێن ل ئەوێ دەڤەرێ هاتین و وەك دەلیل و ڕێبەر و بەراهیكا مە چوون و ئەم بۆ پشتا باژێرێ جزیرا بوتا برن و ل تەشتا باژێرێ مێسینێ دەربازی سنوری بین و ل سەر سنوری ئەم كەتن دناڤ بوسەیا عەسكەری توركیا و بەلێ خۆەشبەختانە و ب سلامەتی ژ ناڤ ئەڤێ بوسەیێ قورتالبین و دەربازی ناڤ ئاڤا ڕۆژئاڤایێ كوردستانێ بین و گەهشتن بارەگایێ پارتی ل باژێڕێ قامیشلو و پشتی بورینا دوو . دەمێ ئەم گەهشتین باژێڕێ قامیشلو و تورمبێلێن پاسان بۆ باژێرێ دیمەشقێ چوین. ل سنورێ وەلاتێ سوری و لوبنانێ ل چیایێ (جبل الشیخ) نێزیكی دوو سەد و پێنجی پێشمەرگەیان بوون. ئەوژی پێشمەرگەهێن پارتی دیموكراتی كوردستان و پارتی گەلی دیموكراتی كوردستان(پارتی گەل) وپارتی شوشیالیستی كوردستان و چەكدارێن پەكەكی بوون. ئەف خولە ژی ل سەر فێركرنا ب كارئینا ساروخێن میلانو و چەكێ دوشكێ و چەكێ گرینوفێ و چەكێ راجیما و( حرب المدن وحرب الشوارع) ل ئەوی دەمێ چەكدارێن رێكخراوا ئازایا فلستینێ ژی دوێ خولێ دا بەشدار ببین. پشتی شەش هەیڤان جارەكا دی ئەم بۆ كوردستانێ ڤەگەریان . ئەڤ هەڤالێن دگەل مە ل بیراماین من ئەڤە بوون ( عەمەر لەعلێ ، محەمەد میرزا، ئەسحەد جانگیر، میرزا فەتو، حەمید دەروێش، وەسفی حەسەن، محەمەد سادق تەمەر، ئیماعیل بێكداودی ) هەر وەسا ب هەلكەفتا سالڕژۆا دامەزراندنا پارتی دیموكراتی كوردستان مە ئاهەنگەكا قەشەنگ ب ئەڤێ هەلكەفتێ ل گورەپانا مەیدانا مەشق و ڕاهینانێ گێرا و چەندین سوحبەتێن ب كەیف و دلڤەكەر دناڤ ئەڤێ ئاهەنگلێ دا هاتن كرن. پشتی ئەڤ خولە ب سەركەفتینە ب دوماهیك هاتی ل هەیڤا یازدە ل ئەڤێ سالێ ئەم جارەكادیتر بۆ كوردستانێ هاتین و مە ئەركێ خوە ل سنورێ لیژنا زاخۆ ل دەڤەرا حەفتەنینێ بومە بەرپرسێ خالا دوشكێ.
