شۆینتیگ ڤەگەڕیا سەرێ لیستەیا جیهانی
ستێرا پۆلەندی ئیگا شوینتیگ ڤەگەڕا سەرێ لیستەیا جیهانی وەكو باشترین یاریزانا كچ بۆ یارییا تێنسا ئەردی، پشتی شیایی د یارییا دووماهییا قارەمانییا جیهانی دا رێزا ئێكێ بهێت و ب سەركەفیت ل سەر هەڤڕكا خوە یا ئەمریكی جیسیكا بیگۆلا ب دو كۆمان بێ بەرانبەر د هەڤڕكیێن واندا ئەوا ل باژێرێ كانكۆن یا مەكسێكێ هاتییە كرن.
ب دەستڤە ئینانا ناسناڤێ قارەمانییا جیهانی یا دەستەكا پیشەكارێن نێڤدەولەتی شیا پێشڤە بهێتە سەرێ لیستا جیهانی ب كۆمكرنا 9295 خالان و ستێرا بیلارۆسی ئارینا سابالێنكا پاشڤە ببەتە رێزا دویێ ئەوا 9050 خال كۆمكرین، یا ئەمریكی كۆكۆ گۆڤ 6580 رێزا دویێ بهێت، ئەڤ ناسناڤە دبیتە یێ 17 بۆ شۆینتیگ د كاروانێ وێ یێ وەرزشی دا ژ وانا چار یێن گراند سلام، بڤێ چەندێ وەرزێ 2023ێ وەكو قارەمانا جیهانێ هاتە دەستنیشانكرن پشتی دووماهی قارەمانیێن فەرمی یێن فیدراسیۆنا تێنسا ئەردی یا جیهانێ ب دەستڤە ئینایی.
