خەریبییا سار

شیان مەهدی کانیسارکی

دیاری بۆ ڕوحا پاک
یا بابێ من

چەند بایەکێ سارێ باکوری
خوە د بەژنا من وەربکەت،
دزانم تویی..

چەند بایەکێ سارێ باکوری
من دگەل پێلێن خوە،
مینا چەقێن دارێن هشک و پێتی
دقڕچینیت… و
ل ئەردی ددەت،
دزانم تویی..

چەند بایەکێ سارێ
ژ دویرڤە گۆهێن من ب قێریێن،
خوە یێن دلۆڤان و نەرم بەل بکەت،
دزانم تویی..

چەند بایەکێ سارێ باکوری
دەستێ خوە یێ شەقشەقبوویی
ب سەرێ من یێ بێ کەلەخدا بینیت،
دزانم تویی..

چەند بایەکێ سارێ باکوری
دەستێ هاریکاریێ بۆ من درێژدکەت
هزرا من دکەت،
دزانم تویی..

چەند بایەکێ سارێ باکوری
لێڤێن من یێن قەشاڤی،
خەریبی ماچەکا تە دکەت
دزانم تویی..

دزانم خەریبیا تەیە..
وی بایێ باکوری سار دکەت
و فڕێدکەت..

کۆمێنتا تە