شیاومی خوه به‌رهه‌ڤ دكه‌ت دا ترۆمبێلا خوه بێخیته بازاری
ئه‌ڤرۆ، زانست:
شیاومی ب مۆبایلێن خوه یێن زیره‌ك یا به‌رنیاسه و ئامیرێن خوه یێن بازارێ ب كاربه‌ران، نها ژی جیهانا ترۆمبێلان. به‌رێ ساله‌كێ یه ده‌ما كۆمپانیا شیاومی راگه‌هاندی كو ئه‌و دێ چنه د جیهانا به‌رهه‌مئینانا ترۆمبێلێن كاره‌بایی دا ب كۆژمێن مه‌زن یێن پاره‌یی. یا چاڤه‌رێكری بوو ترۆمبێلا وێ یا ئێكێ ل نیڤا ئێكێ ژ سالا 2014ێ ب ناڤێ Xiaomi EV Car بكه‌ڤیته بازاری. وه‌سان دیاره كو ل نێزیك دێ بینین كو دبیت ل هه‌یڤا نمۆنا ئێكێ یا ڤێ ترۆمبێلێ بكه‌ڤیته د بازاری دا.
هه‌ر چه‌نده ده‌ستپێكێ پێشبینی ل سه‌ر وێ چه‌ندێ دهاته كرن كو كۆمپانیێن ئه‌لمانی پشكداریێ د دیزان و پاتریا وێ دا بكه‌ن، به‌لێ وه‌كو دیار ئه‌ڤ پێنگاڤه ژی ژ لایێ كۆمپانیێن چینێ ڤه هاتیه هاڤێتن كو ئه‌ڤه ژی پێنگاڤه‌كا دی یا مه‌زنه بۆ قووناغا كۆپیكرنێ ل چینێ.
دهێته پێشبینیكرن رێڤه‌به‌رێ كارگێری یێ كۆمپانیا شیاومی ترۆمبێلا ئێكێ یا شیاومی یا كاره‌بایی تێست بكه‌ت د روودانا شاومی یا هه‌ری مه‌زن دا ل هه‌یڤا هه‌شت یا ئه‌ڤ ساله، ل دووڤ گۆتنا وی نها ئه‌و سێ چارێكێن ده‌مێ خوه ل پشكا شیاومی ئوتو د بۆرینیت.
بۆ یێ بڤێت بكریت هه‌ر دڤێت خوه بگریت هه‌تا سالا 2024ێ هه‌تا كۆمپانی ترۆمبێلێن خوه یێن فرۆتنێ به‌رهه‌م دئینیت، دهێته پێشبینیكرن شیانێن به‌رهه‌مئینانێ د ماوێ ساله‌كێ دا، 300 هزار ترۆمبێل بن هه‌كه كارگه‌ه ب هه‌موو هێزا خوه كار بكه‌ت، به‌لێ گه‌له‌ك شاره‌زا پێشبینی دكه‌ن كو ئه‌و ل ده‌ستپێكێ سالانه 150 هزار ترۆمبێلان بێخنه بازاری.
تیما لێگه‌ریان و پێشخستنا شیاومی ئوتو ژ هزار كه‌سان پێك دهێت و به‌رده‌وام ئه‌ڤ رێژه د زێده‌بووینێ دایه.