شیایە ب رێیا كەڤالان دەربڕینێ ژ هەستێن خوە بكەت
سۆلین سلێمان:
شێوەكارا گەنج (لەبلا ئەحمەد) كو خەلكا پارێزگەها كەركووكێ یە و دەرچۆیا پشكا شێوەكاری یە ل پەیمانگەها هونەرێن جوان، د دیدارەكێ دا بۆ رۆژنامەیا ئەڤرۆ گۆت: حەزژێكرنا من بۆ چێكرنا كەڤالان بۆ بەری چەندین سالان دزڤڕیت و پشتی دەلیڤە هاتی و من دەستپێكری نوكە ئەز هەست ب خۆشیێ دكەم، چنكو ئەز شیایمە ب رێیا كەڤالان دەربڕینێ ژ هەستێن خوە بكەم.
هەوەسا گۆت: ب مخابنی ڤە دێ بێژم چێكرنا كەڤالان بتنێ وەك حەزەكێ یە، چنكو هەتا نوكە نەبوویە دەرگەهەك ژبۆ هندێ كو ئەز ژیانا خوە پێ ب رێڤەببەم، لێ د سەر هندێ را ئەزا بەرهەڤم هاریكاریا هەر كەسەكی بكەم كو ئەڤ حەزە ل دەف هەبیت، هەروەسا داخوازێ ژ جهێن شۆلەژێ دكەم ژنوكە وێڤە پتر گرنگیێ ب هونەری و هونەرمەندان بدەن، چنكو ئەم هەست پێ دكەین ل كەركووكێ چو گرنگی ب هونەرمەندان و كارێن هونەری ناهێتە دان.
