شیرزاد نایفی قهلهمێ من ب قهلهمهكێ بێسهر و چاڤ تاوانباركر!!
رۆژناما ئهڤرۆ ل هژمار1851 رێكهفتی 5/4/2016 دا بهرسڤا كاك شێرزاد نایف بۆ چهند تێبینیێن من بهلاڤكریه، بۆ زانین مهرهما من ب وان تێبینیان نه شكاندنا وی بوو، لێ من گوتی دبیت ئهو تێبینی مفاداربن، لێ وهسا دیاره گهلهك پێ تۆڕهبوویه، ههرچهنده ئهو دانپێدانێ دكهت و دبێژیت: (كهكێ رێكانی دبیت تێبیینێن ته هندهك د جان بن و ته ئهز ب دیتنا خوه رازی كربام).
لێ مخابن ئهو قهلهمێ قۆچانێ ل گهل دیوارێن زیندانێن رژێما سهددام كری، ناڤبری ئهو قهلهم تاوانباركریه و دبێژتێ: ( ب قهلهمهكێ بێسهرۆچاڤ قۆچانێ ل گهل من كریه).
ژ بهركو ب تنێ دهمێ من ناڤێن سهددام و سهلاحهددین ئهیۆبی دمژارا ویدا دیتین من گوتێ: “ئهو بخوه ژی نزانیت چ دبێژیت” ههرباشه نابێژیت دههێن من دبێژیت: “ته نههێن من ب سهر دههێن خوه ئێخستینه.. . ب درستی ژی ئهوا من دزانی ژی ته ژبیرا من بر”.
ناڤبری حهفت جاران ئاماژه ب تنێ دایه ناسناڤێ من، دهما دبێژیت: “كهكێ رێكانی نابیت ههر تشتێ تو دبێژی واته ههمی رێكانی وه بێژن” چاڤێ سهری، ئهرێ ما من كهنگی گوتیه ئهز نوونهریا ههموو رێكانیان دكهم؟!
ئهز نزانم ههلبهستێن من چ پهیوهندی ب مژارێڤه ههیه، ب راستی یا لێ تێكجووی دهما دبێژیته من: ” تو دهندهك ههلبهستێن خوه دا نزانی چو دبێژی یان ههر قۆچهكێ ل كهندالهكی ددهی” بلا بهرسڤ بۆ خواندهڤانێن ههلبهستێن من بیت، كو ب سهدان ههلبهستێن من یێن بووینه سروود و ستران ووو!!
ناڤبری سڤكاتیێ ب خوه دكهت و كۆلانكی دبێژیته من: ” باشبوو ههیڤا ل بن عهوری دهركهفت و پشتی چهندین سالان من گوتارهكا ته دیته ڤه چونكو ئهڤه پێنچ ههتا شهش ساله د ئهڤرۆ و وار دا ئهز كار دكهم، بهلێ دو حهتا سێ جاران نڤیسنێن ته من نه دیتینه” ما گونهها من چییه ته بهرههمێن من نهدیتبن، بلا بهرسڤا من ژی كۆلانكی بیت مهسهلا كویسهله و خهزالێیه!!’
ناڤبری عهرهبان ژی دكهته خودانێن جهژنا نهورۆزێ دهما دبێژیت: ” ل دهف عهرهبان ژی (جهژنا داروباری یه)” ئهرێ راسته سهقایێ بیابانێن عهرهبانژی مینا سهقایێ كوردستانێیه بۆ چاندنا داروباری؟ بلا ئهم ژ بیر نهكهین رژێما سهددام ب تنێ ئارمانجا وان ئهو بوو ناڤێ نهورۆزێ نههێلن و بكهنه (جهژنا داروباری، حهفتییا قادسیا سهددام ووو).
جارهكا دی ئهز دوباره دكهمهڤه نهورۆز گهلهك و گهلهك ژ ئهفسانهیا كاوهیێ ئاسنگهر كهڤنتره، ناڤبری كاوهی دكهته فارس و دكهته گۆمان و دبێژیتێ: “ههكه یێ كورد با دا ب وی ناڤی راگههینیت، بهلێ گومان ههنه كو ئهو فارس بوو” پاشی سهركی لێ باددهتهڤه و دكهته كورد و دبێژیت: “میناكا سهلاحهدینێ ئهیۆبی ژی و ناڤێ عرۆبهتێ ـ برایێ رێكانی ـ مانێ دو مژارێن وهكو ئێكن، ههردو قارهمانێن كوردێن دیرۆكینه” كورت و كرمانج كاوه قارهمانهكێ ئهفسانهیێ ئارییه و ب شانازیڤه باپیرێ مه كوردانه!!
یا ژ ههمیێ كلێستر ناڤبری ل داویێ دبێژیته من: “رێكانی ئهز نه وهك تهمه یان پشتا ئێكی بگرم یان رهخنێ لێ بگرم” كهكۆ من ژی نهگوتیه وهكوو منبه، رهخنه ل نك من پشتگیرییه نه دوژمنكاری، ئهز دبێژمه باشی تویێ باشی و دبێژمه خرابی تو یێ خرابی و ئهڤه خرابیا تهیه و ل گور تێگههشتنا خوه دبێژمێ ئهڤه رێچارهیه ، دبیت ئهزێ خهلهتبم، چونكو من باوهری ههیه چ راستیێن رهها نینن و ههر تشتهك رێژهییه.
