شیرین رێكانی: كارێ مودێلیێ ل دهۆكێ یێ كێمه
دهۆك نه‌وزاد هلۆری:
شیرین رێكانی، كچه‌كا باژێرێ دهۆكێ یه و وه‌كو بازرگان و مودێلست ل دهۆكێ كار دكه‌ت و نوكه خودان كاره.
شیرین بۆ ئه‌ڤرۆ دبێژیت: ژمێژه من حه‌زا كارێ بازرگانی و مودێلی هه‌بوویه، ده‌مێ مه‌زن بوویم من ئه‌ڤ یه‌ك د ژیانا خوه دا كره كریار و نوكه كارێ بازرگانی و مودێلیێ ل دهۆكێ دكه‌م، ئه‌ز زۆر حه‌ز ژ كاری دكه‌م و دخوازم كچ ببنه خودان كار، هه‌ر چه‌نده مه دایك و باب ژی هه‌نه، به‌لێ دڤێت مرۆڤ زێده‌تر پشت به‌ستنێ بخوه بكه‌ت و به‌رده‌وام بیت ب ئه‌نجامدانا كاری، ئه‌ز نوكه كارێ بازرگانی و كارێ مودێلیێ دكه‌م و زۆر حه‌زژێ دكه‌م و ئومێدا من مودێل و ریكلام و ره‌گ و ستایلن، ئه‌ز جلكان دكه‌مه به‌رخوه و نیشادده‌م و خه‌لك پتر دكریت، كارێ مودێلی ژی ل دهۆكێ یێ كێمه.
ناڤهاتیێ دیاركر ژی كو كۆرۆنایێ و قه‌یرانا دارایی كارتێكرنه‌كا زۆر ل سه‌ر كارێ وان كریه و گۆت: ئه‌ز ب رێیا ئونلاین پشكه‌كا هه‌ره زۆر یا كارێن خوه د فرۆشم و من ل به‌ره كارێ خوه به‌فره‌هتر لێ بكه‌م.
