شیرەتکارێ ئەلمانیا: دڤێت رۆسیا د دانوستاندنان دا یا پشکدار بیت
ئۆلاف شولتز شیرەتکارێ ئەلمانیا د داخۆیانیەکێ دا سەبارەت ب شەڕێ د ناڤبەرا رۆسیا و ئۆکرانیایێ دا راگەهاند کو دڤێت شەڕێ نها ب دووماهی بهێت و د هەمان دەمی دا گرنگە رۆسیا ژی هەموو دەڤەرێن کو داگیر کریە بجه بهێلیت و رێزێ ل سەروەریا ئاخا ئۆکرانیایێ بگریت.
شیرەتکارێ ئەلمانیا ئەو یەک ژی دیار کریە دڤێت رۆسیا ژی د دانوستاندنانێن بهێت یێن سەبارەت ب ئۆکرانیایێ دا پشکدار بیت، چونکی وەسا دێ پتر دەرگەهێ چارەسەریێ ڤەبیت، هەتا رۆسیا د دانوستاندنان دا پشکدار نەبیت گەلەک زەحمەت کار بۆ راگرتنا شەڕێ نها د ناڤبەرا رۆسیا و ئۆکرانیایێ دا بهێتە کرن.
چاڤدێرێن سیاسی ژی وەسا دبینن شەڕێ نها د راستی دا شەڕێ رۆسیا و ناتۆیێ یە و بێی رازیبوونا ئەمریکا و وەلاتێن ناتۆ گەلەک زەحمەتە شەڕ ب دووماهی بهێت، چونکی رۆسیا دڤێت بگەهیتە هندەک ئارمانجێن خوە ل ئۆکرانیایێ و د هەمان دەمی دا ئەمریکا و وەلاتێن ناتۆ ژی پشتەڤانیێ ل ئۆکرانیایێ دکەن.
