شیرەتکارێ خامنەیی گەفان ل سەرۆکێ ئاژانسا ئەتۆمی دکەت
عەلی لاریجانێ شیرەتکارێ رێبەرێ ئیرانێ د داخویانیەکێ دا دیار کر، رافائێل گروسی سەرۆکێ ئاژانسا جیهانی یا ئەتۆمی، بەری نها راپۆرتەک دایە جڤاتا ئاسایشێ و تێدا دیار کریە کو ئیرانێ دڤێت چەکێ ئەتۆمی دروست بکەت و ژ بەر ڤێ یەکێ ژی گەلەک ژ وەلاتێن ئێکەتیا ئۆرۆپا پشتەڤانیێ ل ئسرائیلێ دکەن.
لاریجانی ئەو یەک ژی دیار کریە، دەمێ شەڕ ب دووماهی بهێت دێ ئیران سەرۆکێ ئاژانسا جیهانی یا ئەتۆمی سزا دەت، چونکی ژ بەر زانیاریێن وی یێن شاش ئێرشی ئیرانێ هاتە کرن، لێ گەلێ ئیرانێ دێ یا پێدڤی کەت و دێ گروسی ژی گەهیتە سزایێ خوە.
ل ئالیێ دی وەلاتێن ئێکەتیا ئۆرۆپا و ئاژانسا جیهانی یا ئەتۆمی ژی نەرازیبوونا خوە ل هەمبەر گەفێن لاریجانی دیار کرن و راگەهاندن دڤێت ئیران نەبیتە خوەدان چەکێ ئەتۆمی و گەفێن لاریجانی ژی رەوشا هەی ئالۆزتر لێ دکەت و دڤێت ئیران ب فەرمی بەرنامێ خوە یێ ئەتۆمی هلوەشینیت.
