شیعێن عیراقێ ل دژی رێککەفتنا ئیماراتێ و ئیسرائیلێ نە
ئەڤرۆ نیوز:
هێزێن شیعە یێن ل عیراقێ کو پرانیا وان سەر ب ئیرانێ نە ب داخۆیانیێن جودا جودا دژبەریا خوە ل هەمبەر رێککەفتنا د ناڤبەرا ئیماراتێ و ئیسرائیلێ دا دیار دکەن و داخواز ژ گەلێ ئیماراتێ و وەلاتێن عەرەبی دکەن کو ل دژی ئیماراتێ بێدەنگ نەبن، چونکو ئەو یەک خیانەتە ل گەلێ فەلەستینێ دهێتە کرن.
چاڤدێرێن سیاسی ژی دیار دکەن کو ژ بلی ئیماراتێ چەندین وەلاتێن دی یێن عەرەبی ژی دخوازن پەیوەندیێن خوە ل گەل ئیسرائیلێ ئاسایی بکەن و ئەو یەک ژی دێ بیتە ئەگەرێ کو ئیران پتر ژ هەر دەمەکێ تەنگاڤ بیت و ژ بەر هندێ ژی نها ئیران و هێزێن سەر ب وێ ب هەموو رەنگەکێ کار دکەن دا نەهێلن ئیمارات وێ رێککەفتنێ ل گەل ئیسرائیلێ ئیمزا بکەت.
