شیلان مستهفا: هیڤیدارین وهرزش ژ سیاسهتێ بهێته دووركرن
ئهڤرۆ، ههولێر، سولین سلێمان
د دیدارهكا كورت دا گۆلپارێزا یانا سیروانی نوو و كچا پارێزگهها ههلبجهیا شههید شیلان مستهفا هیڤی خواست وهرزش و سیاسهت ژێك دووربن پێخهمهت پێشكهفتنا وهرزشا دهڤهرێ.
ناڤهاتی ئهوچهنده ژی بۆ رۆژناما ئهڤرۆ گۆت: مخابن د نوكه دا وهرزش ب سیاسهتێ ڤه هاتیه گرێدان لهورا هیڤیا مه ئهوه ب ههموو شێوازا ژ سیاسهتێ دووركهڤیت پێخهمهت ب هێزكرن و پێشڤهچوونا وهرزشێ ئهوا كو بۆ ههموو گهلانه و یاگرنگ ئهو جهـ ب وهرزشێ بهێته نیاسین ژبهركو ل كوردستانێ هژمارهكا مهزن یا كچ و كوڕان حهز و بههرهمهندیا وهرزشێ یا ههیی و ههر دهمێ پشتهڤانی هاته كرن دێ پلێن باش دهستخوهڤه ئینن.
ژلایهكێ دووڤه ناڤهاتی دیاركر ههر ژ 2010 دهست ب یاریا تهپا پێی و فۆتسالێ كریه و بۆ چهندین یانا یاری كرینه ژوانا ههلهبجه، دهربهندیخان و سیروانی شارهزوور و د نوكه دا یاریزانا یانا سیروانی نوو مه و گۆت: من ئارمانجێن مهزنتر ههنه و بزاڤێ كهم ئاستێ خوه زێدهتر پێشبێخم ههتا ب گههمه هیڤی و ئارمانجێن خوه ژوانا د پاشهرۆژهكا نێزك دا یانهكا تایبهت یا فێركرنا یاریا تهپا پێی بۆ كچان دروستبكهم ژبۆ دانا شهنگستهكێ ئهكادیمی و رێكخستی بۆ باژێرێ خوه.
