شێروان بازی: سترانگۆتن ئارامیه‌كێ د ده‌ته دلێ من
ره‌مه‌زان هه‌رنی:
سترانبێژ شێروان بازی، د دیداره‌كێ دا بۆ رۆژناما ئه‌ڤرۆ گۆت: پشتی ل سالێن بۆری من ده‌ست ب سترانگوتنێ كری هه‌تا نوكه یێ به‌رده‌وامم و ده‌ستان ژێ به‌رناده‌م چنكو سترانگۆتن ئارامیه‌كێ دده‌ته دلێ من، به‌لێ ل ڤی سه‌رده‌می هه‌كه كلیپ ژی بهێته چێكرن پشتی خه‌رجیه‌كا زۆر چو مفا نابیت و ب تنێ دێ ل تۆرێن جڤاكی هێته به‌لاڤكرن، دایك و باب و خێزانا من پشته‌ڤانن، هه‌روه‌سا هونه‌رمه‌ند مه‌مه‌د به‌رۆژی و كازم سازڤان ژی پشته‌ڤانیا من دكه‌ن.
هه‌روه‌سا گۆت: به‌هرا پتر ل كافیا و ده‌هواتا و ل گه‌ل هه‌ڤالان سترانا دبێژم به‌لێ گه‌له‌ك جاران ژی ل مال سترانا دبێژم ب ژه‌نینا ئامێری سازێ و به‌ری چه‌نده‌كێ سترانه‌ك به‌لاڤكر پێشۆازیه‌كا باش لێ هاته كرن نوكه ژی كاری ل سه‌ر دو سترانا دكه‌م، ئێك بناڤێ بارزان، ئێك بناڤێ بلا ته چاڤ ل خوه هه‌بیت ل ده‌مه‌كێ نیزیك دێ به‌لاڤكه‌م. بۆ زانین ل سالا 2011 من به‌رهه‌مه‌ك به‌لاڤكر بوو، هه‌روه‌سا چه‌ندین سترانێن سبنگل من تۆماركرینه و به‌لاڤكرینه، ژوانا سترانا بلا چاڤێ ته لته بیت.
